മിഷന്‍ ഇംപോസിബിള്‍ സിനിമയുടെ തീം സോങ് ചിട്ടപ്പെടുത്തിയ സംഗീതസംവിധായകന്‍ ലാലോ ഷിഫ്രിന്‍(93) അന്തരിച്ചു. സിനിമയ്ക്കും ടെലിവിഷനും വേണ്ടി നൂറിലധികം സംഗീതം ചിട്ടപ്പെടുത്തിയ സംഗീതസംവിധായകനാണ് ലോകത്തോട് വിടപറഞ്ഞിരിക്കുന്നത്. വ്യാഴാഴ്ചയായിരുന്നു അന്ത്യം സംഭവിച്ചത്.

ന്യുമോണിയ സംബന്ധമായ സങ്കീര്‍ണ്ണതകളെത്തുടര്‍ന്നായിരുന്നു അദ്ദേഹത്തിന്റെ മരണമെന്ന് മകന്‍ റയാന്‍ . ലോസ് ആഞ്ജലിസിലെ വീട്ടില്‍ വെച്ചായിരുന്നു മരണമെന്നും ഈ സമയത്ത് അടുത്ത കുടുംബാംഗങ്ങള്‍ ഒപ്പമുണ്ടായിരുന്നുവെന്നും അദ്ദേഹം അറിയിച്ചു.

നാല് ഗ്രാമി അവാര്‍ഡുകള്‍ സ്വന്തമാക്കിയ സംഗീത സംവിധായകനാണ് ലാലോ ഷിഫ്രിന്‍. ആറ് ഓസ്‌കര്‍ പുരസ്‌കാരങ്ങള്‍ക്ക് നാമനിര്‍ദ്ദേശം ചെയ്യപ്പെടുകയും ചെയ്തിട്ടുണ്ട് ഇദ്ദേഹം.