ഡോക്ടര്‍ ദിനത്തില്‍ മീനാക്ഷി പങ്കുവച്ച കുറിപ്പ്
തന്റെ പ്രിയ കുടുംബ ഡോക്ടറെ പരിചയപ്പെടുത്തി അവതാരകയും ചലചിത്ര നടിയുമായ മീനാക്ഷി അനൂപ്. യുവ നടി മമിത ബൈജുവിന്റെ പിതാവ് ഡോ. ബൈജുവിനെയാണ് മീനാക്ഷി അനൂപ് തന്റെ ഫേസ്ബുക്ക് കുറിപ്പിലൂടെ പരിചയപ്പെടുത്തിയത്. ഡോക്ടര്‍ ദിനത്തില്‍ മീനാക്ഷി പങ്കുവച്ച കുറിപ്പാണ് ശ്രദ്ധനേടുന്നത്. മമിതയെപ്പോലെ ധാരാളം ആരാധകരുള്ള താരമാണ് ഡോ. ബൈജുവെന്നും മീനാക്ഷി കുറിച്ചു.
മീനാക്ഷി അനൂപിന്റെ കുറിപ്പ് വായിക്കാം;
'ഇതെന്റെ പ്രിയ ഡോക്ടര്‍ ഡോ.ബൈജു. ബൈജു ഡോക്ടര്‍ എന്നു പറഞ്ഞാല്‍ ഈ നാടെങ്ങുമറിയും. പക്ഷെ നമ്മുടെ പ്രിയ താരം മമിത ബൈജുവിന്റെ അച്ഛനെന്ന് പറഞ്ഞാല്‍ നിങ്ങളെല്ലാവരുമറിയും. ഈ ഡോക്ടര്‍ ദിനത്തില്‍ ഈ പ്രിയ ഡോക്ടറെക്കുറിച്ച് രണ്ടു വാക്ക് പറയാതെങ്ങനെ. കാണാന്‍ കയറിച്ചെല്ലുമ്പോള്‍ നിറഞ്ഞ് ചിരിച്ച് സ്‌നേഹം നിറച്ച ഒരു ചോദ്യമുണ്ട് ' എന്നാടീ...കുഞ്ഞേ' സത്യം പറഞ്ഞാല്‍ അതോടെ സകല അസുഖവും പമ്പ കടക്കും. എല്ലാവരോടും ഇങ്ങനെ തന്നെ സ്‌നേഹത്തോടെ പെരുമാറുന്ന ഡോക്ടര്‍. ഡോക്ടറെക്കുറിച്ച് പറയാന്‍ അറിയുന്നവര്‍ക്ക് നൂറ് നാവാണ്.
ഞങ്ങളുടെ ഫാമിലി ഡോക്ടര്‍, എന്റെ കൊച്ഛച്ചനെ ഞാന്‍ വിളിക്കുന്നത് 'ഡു' എന്നാണ്. 'ഡു'വാകട്ടെ ബൈജു ഡോക്ടറിന്റെ കട്ട ഫാനും. (ഡോ.ബൈജു ഹോസ്പിറ്റല്‍ 'മെരിറ്റസ് ' കിടങ്ങൂര്‍ സൗത്ത് കോട്ടയം). ഈ ഡോക്ടര്‍ ദിനത്തില്‍ എന്റെ പ്രിയപ്പെട്ട മറ്റൊരു ഡോക്ടറെ കൂടി ഓര്‍മ്മിക്കട്ടെ ഡോ ഹരികുമാര്‍. പീഡിയാട്രീഷന്‍ കുമ്മണ്ണൂര്‍. ഒപ്പം ഈയവസരത്തില്‍ നന്മയുടെ, മനുഷ്യത്വത്തിന്റെ പക്ഷമായി നിലകൊണ്ട ഡോ. ഹാരിസ് ചിറക്കലിന് ഹൃദയം തൊട്ട് അഭിവാദ്യങ്ങള്‍'. മീനാക്ഷി കുറിച്ചു.
https://www.facebook.com/Malayalivartha
