'നായികാ നായകന്‍' എന്ന റിയാലിറ്റി ഷോയിലൂടെ ശ്രദ്ധ നേടിയ താരമാണ് ആഡിസ് അക്കര. ഒരു സിനിമ ഉണ്ടാക്കുക എന്ന സ്വപ്നത്തിന്റെ പിറകില്‍ നടനും ഇന്‍ഫ്‌ലുവന്‍സറുമായ ആഡിസ് അക്കര നടക്കാന്‍ തുടങ്ങിയിട്ട് അറുന്നൂറ്റിയേഴ് ദിവസം ആയി. ഇപ്പോഴിതാ ആ സ്വപ്നം പൂവണിഞ്ഞിരിക്കുന്നു.

എല്ലാ ദിവസവും അപ്‌ഡേറ്റ് ഇന്റസ്റ്റഗ്രാം വഴി തന്റെ ഫോളേവേഴ്‌സിനെ ആഡിസ് അയിച്ചുകൊണ്ടിരുന്നു. രണ്ട് വര്‍ഷത്തോളമുള്ള ആഡിസിന്റെ ശ്രമങ്ങള്‍ക്ക് ഇന്ന് അവസാനമാകുകയാണ്. 608മത് ദിവസം ആഡിസിന്റെ പ്രൊജക്ട് ഏറ്റെടുക്കാന്‍ ഒരു നിര്‍മ്മാതാവ് എത്തിയിരിക്കുന്നു. മറ്റാരുമല്ല സാക്ഷാല്‍ ആന്റണി വര്‍ഗീസ് പെപ്പേ. എവിപി പ്രൊഡക്ഷന്‍സിന്റെ ബാനറില്‍ പെപ്പെ നിര്‍മ്മിക്കുന്ന ആദ്യ ചിത്രം ആഡിസ് സംവിധാനം ചെയ്യും.

ഇന്നത്തെ തന്റെ അപ്‌ഡേറ്റില്‍ താന്‍ വീഡിയോ ഇടുന്നത് അവസാനിപ്പിക്കുകയാണെന്ന് പറഞ്ഞാണ് ആഡിസ് തുടങ്ങുന്നത്. എന്നാല്‍ വിഷമിക്കേണ്ട പടം ഓണായി എന്നു പറഞ്ഞ് നിര്‍മ്മാതാവായ പെപ്പേയെ പരിചയപ്പെടുത്തുന്നു. ആദ്യത്തെ സിനിമയാണെന്നും എല്ലാവരുടേയും പിന്‍തുണ വേണമെന്നും പെപ്പേയും പറയുന്നു. ഒന്നിച്ച് മാജിക്ക് സൃഷ്ടിക്കാമെന്നും പെപ്പേ കൂട്ടിച്ചേര്‍ത്തു. ചിത്രത്തിന്റെ കൂടുതല്‍ വിശദാംശങ്ങള്‍ വരും ദിവസങ്ങളില്‍ പുറത്തുവിടുമെന്ന് അണിയറപ്രവര്‍ത്തകര്‍ അറിയിച്ചു.