സീരിയല് താരത്തിന്റെ ആത്മഹത്യയ്ക്ക് പിന്നില് കാമുകനുമായുള്ള തര്ക്കം... വിവാഹം നടക്കാനിരിക്കെ തൂങ്ങിമരിച്ചു
ബാലികാവധു എന്ന സീരിയലിലൂടെ പ്രശസ്തയായ നടി പ്രത്യുഷാ ബാനര്ജിയുടെ ആത്മഹത്യ (24) സിനിമാലോകത്ത് ചര്ച്ചയാകുന്നു. മുംബൈയിലെ വസതിയില് തൂങ്ങി മരിക്കാന് ശ്രമിച്ച അവരെ ബന്ധുക്കള് മുംബൈ കോകിലാ ബെന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കാമുകന് രാഹുല് രാജ് സിംഗുമായുള്ള ബന്ധത്തിലുണ്ടായ പ്രശ്നങ്ങളാണ് നടിയുടെ ആത്മഹത്യയ്ക്ക് വഴിവച്ചതെന്നാണ് സൂചന.
ബാലികാ വധു സീരിയലിലെ ആനന്ദി എന്ന കഥാപാത്രത്തെ അവതരിപ്പിച്ചാണ് പ്രത്യുഷ മിനിസ്ക്രീനില് പ്രശസ്തയാവുന്നത്. പിന്നീട് കളേഴ്സ് ടിവിയിലെ ബിഗ് ബോസ് 7 റിയാലിറ്റി ഷോയിലും അവര് പങ്കെടുത്തിരുന്നു. പ്രത്യുഷാ തൂങ്ങി നില്ക്കുന്നത് ആദ്യം കണ്ടതും രാഹുല് രാജ് സിംഗാണ്. കാമുകനും രാഹുല് രാജ് സിംഗുമായുള്ള വിവാഹം അടുത്തിടെ നടക്കാനിരിക്കെയാണ് പ്രത്യുഷ ആത്മഹത്യ ചെയ്തത്.
മരണത്തിന് ശേഷവും നിന്നില് നിന്ന് ഞാന് അകലില്ല എന്ന വാട്സ്ആപ്പ് സ്റ്റാറ്റ്സ ്പൊലീസിന്റെ ശ്രദ്ധയില്പ്പെട്ടിട്ടുണ്ട്. ആത്മഹത്യാകുറിപ്പൊന്നും കണ്ടെത്തിയിട്ടുമില്ല. പോസ്റ്റ് മോര്ട്ടം റിപ്പോര്ട്ട് ലഭിച്ച ശേഷമേ പോലീസ് അന്തിമ നിഗമനത്തിലെത്തൂ.
ബാലികാവധു എന്ന ഹിന്ദി സീരിയലിലെ ആനന്ദി എന്ന കഥാപാത്രത്തിലൂടെ ഏറെ പ്രേക്ഷകപ്രീതി പിടിച്ചു പറ്റിയ നടിയായിരുന്നു ഇവര് . പ്രമുഖ ടിവി റിയാലിറ്റി ഷോകളിലും പ്രത്യുഷ പങ്കെടുത്തിരുന്നു. ബിഗ്ബോസ് 7 , ജലക് ധിക്കലാ ജാ 5, കോമഡി ക്ലാസെസ് എന്നീ ഷോകളിലൂടെ പരിചിതയായ നടിയാണ് പ്രത്യുഷ..jpg)
മുന്പ് പല തവണ വാര്ത്തകളില് ഇടംപിടിച്ച നടിയാണ് പ്രത്യുഷ. തന്നെ എട്ടു പേരടങ്ങിയ സംഘം പോലീസ് വേഷത്തിലെത്തി പീഡിപ്പിച്ചെന്ന് നടി ആരോപിച്ചിരുന്നു. അടുത്തിടെ കാമുകനൊപ്പം നടത്തിയ ആഡംബരം നിറഞ്ഞ ബെര്ത്ത് ഡേ പാര്ട്ടിയും വിവാദങ്ങളില് പെട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
