തുടരും എന്ന ബ്ലോക്ക് ബസ്റ്ററിന് ശേഷ മോഹന്‍ലാലും തരുണ്‍ മൂര്‍ത്തിയും ഒന്നിക്കുന്ന ചിത്രത്തിന്റെ ഷൂട്ടിംഗ് ജനുവരി 23ന് തൊടുപുഴയില്‍ ആരംഭിച്ചിരുന്നു. ഇനിയും പേരിട്ടിട്ടില്ലാത്ത ചിത്രത്തിന് എല്‍366 എന്നാണ് വര്‍ക്കിംഗ് ടൈറ്റില്‍ നല്‍കിയിരിക്കുന്നത്. വര്‍ഷങ്ങള്‍ക്ക് ശേഷം താടി പൂര്‍ണമായി എടുത്ത് കട്ടി മീശ വച്ച് മോഹന്‍ലാല്‍ എത്തുന്നു എന്നതും ചിത്രത്തിന്റെ പ്രത്യേകതയാണ്.

ജനുവരി 23ന് തന്റെ പുതിയ ലുക്ക് മോഹന്‍ലാല്‍ പുറത്തുവിട്ടിരുന്നു. ഈ ലുക്ക് നിമിഷനേരം കൊണ്ട് വൈറലാവുകയും ചെയ്തിരുന്നു. ഇതിന് പിന്നാലെ സിനിമയുടെ ഫസ്റ്റ് ലുക്ക് പോസ്റ്ററും സൂപ്പര്‍താരം പങ്കുവച്ചു. മീശ പിരിച്ച് കൈയില്‍ പൊലീസ് ഷൂസുമായി നില്‍ക്കുന്ന ലാലിനെയാണ് പോസ്റ്ററില്‍ ചിത്രീകരിച്ചിരുന്നത്.

ഇപ്പോഴിതാ മീശപിരിച്ച മോഹന്‍ലാലിന്റെ ഏറ്റവും പുതിയ ഫോട്ടോയാണ് സോഷ്യല്‍ മീഡിയയില്‍ വൈറലാകുന്നത്. മോഹന്‍ലാല്‍ തന്നെയാണ് ചിത്രം ഫേസ്ബുക്കില്‍ പങ്കുവച്ചത്. നിമിഷ നേരം കൊണ്ട് ആരാധകര്‍ ഫോട്ടോ ഏറ്റെടുത്തു.

പുതിയ കോവിലകം വാങ്ങിക്കാന്‍ വന്ന ആളാണോ,? ഇതേതാ ഈ ഏഴാം തമ്പുരാന്‍,? എന്നൊക്കെയാണ് ആരാധകര്‍ ഫോട്ടോയ്ക്ക് താഴെ കമന്റ് ചെയ്യുന്നത്. പൂവള്ളി ഇന്ദുചൂഡന്‍ ഈസ് ബാക്ക് എന്നും ,? രാജാവിന്റെ മകന്‍ എന്നും കമന്റുകളുണ്ട്.