തര്‍ക്ക വിഷയങ്ങളില്‍ ഇടപെട്ട് വിവാദങ്ങളും മറ്റും സൃഷ്ടിക്കാന്‍ തനിക്ക് താല്‍പര്യമില്ലെന്ന് നടി വേദിക. പൃഥ്വിരാജിന്റെ ജയിംസ് ആന്റ് ആലീസില്‍ അഭിനയിക്കാന്‍ മൂന്നാറില്‍ എത്തിയതായിരുന്നു താരം. മുമ്പും മലയാളത്തില്‍ അഭിനയിച്ചിട്ടുണ്ടെങ്കിലും മൂന്നാറില്‍ ആദ്യമായാണ് എത്തുന്നത്. സ്വകാര്യത ഏറെ ഇഷ്ടപ്പെടുന്ന വ്യക്തിയാണ് താന്‍. അതുകൊണ്ട് ഫെയിസ്ബുക്കിലും മറ്റും വിവാദമുണ്ടാക്കാന്‍ താല്‍പര്യമില്ല. പ്രേക്ഷകരുമായി സംവദിക്കാനുള്ള വേദിമാത്രമാണ് സോഷ്യല്‍ മീഡിയ. 

മൂന്നാറിലും ആലപ്പുഴയിലും എല്ലാം താരം പോയി. പടമെടുത്തു. അതെല്ലാം ഫെയ്‌സ് ബുക്കില്‍ ഇടുകയാണ് ഇപ്പോഴത്തെ ഹോബി. ബോംബയിലെയും വിദേശങ്ങളിലെയും സുഹൃത്തുക്കള്‍ അത് കണ്ട് അസൂയപ്പെടുകയാണ്. അവര്‍ക്കെല്ലാം ഈ സ്ഥലങ്ങള്‍ വലിയ ഇഷ്ടമാണ്. എന്തായാലും തന്റെ അടുത്ത വെക്കേഷന്‍ ഈ സ്ഥലങ്ങളിലായിരിക്കുമെന്ന് താരം പറഞ്ഞു. കേരളം എല്ല തരത്തിലുള്ള ഭു പ്രകൃതി ഉള്ള സ്ഥലമാണ്. അത് തന്നെ വല്ലാതെ ആകര്‍ഷിച്ചു.

തമിഴിലും തെലുങ്കിലും ഒക്കെ അഭിനയിച്ചിട്ടുണ്ടെങ്കിലും മലയാളത്തില്‍ പെട്ടെന്ന് സിനിമകള്‍ തീരും. അത് വലിയ കാര്യമാണ്. മറ്റ് ഭാഷകളിലൊക്കെ ആറ് മാസമെങ്കിലും എടുക്കും. അതിനിടയില്‍ തന്നെ ഒരുപാട് ഗ്യാപ്പ് ഉണ്ടാകും. അതിനാല്‍ മലയാളത്തില്‍ അഭിനയിക്കാന്‍ ഏറെ ഇഷ്ടമാണെന്നും താരം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha