സോഷ്യല്‍ മീഡിയയല്‍ ഏറെ ആരാധകരുള്ള സോഷ്യല്‍മീഡിയ താരമാണ് ദിയ കൃഷ്ണ. ഇപ്പോഴിതാ സാമൂഹ്യമാധ്യമത്തില്‍ പോസ്റ്റ് ചെയ്ത ചിത്രത്തിന് വന്ന പരിഹാസ കമന്റിന് ദിയ കൃഷ്ണ കൊടുത്ത മറുപടിയാണ് സൈബറിടത്ത് ചര്‍ച്ചയാകുന്നത്. കുറിയ്ക്ക് കൊള്ളുന്ന മറുപടി ആണ് താരം നല്‍കിയത്.

ഭര്‍ത്താവ് അശ്വിനൊപ്പമുള്ളൊരു ഫോട്ടോയ്ക്ക് താഴേ വന്ന കമന്റായിരുന്നു ഇത്. 'ഇത് എത്രാമത്തെ ഭര്‍ത്താവ് ആണ്', എന്നായിരുന്നു യുവതിയുടെ പരിഹാസം. ഇത് ശ്രദ്ധയില്‍പ്പെട്ട ദിയ മറുപടിയുമായി എത്തി. 'നിന്റെ ഭര്‍ത്താവിന്റെ ഭാര്യമാരുടെ എണ്ണത്തേക്കാള്‍ കുറവാണ്' എന്നായിരുന്നു ദിയയുടെ മറുപടി.

ഇതിന്റെ സ്‌ക്രീന്‍ ഷോട്ട് ദിയ സോഷ്യല്‍ മീഡിയകളില്‍ ഷെയര്‍ ചെയ്തിട്ടുണ്ട്. ഒപ്പം കമന്റ് ചെയ്ത യുവതിയുടെ ഡിപിയും. ദിയയുടെ മറുപടിയ്ക്ക് കയ്യടിച്ച് നിരവധി പേരാണ് രംഗത്ത് എത്തുന്നത്. 'ഇങ്ങനെയാവണം മറുപടി, ഇതാണ് മറുപടി', എന്നെല്ലാമാണ് കമന്റുകള്‍.

2024ല്‍ ആയിരുന്നു ദിയയുടേയും അശ്വിന്റെയും വിവാഹം. അടുത്ത ബന്ധുക്കളും സുഹൃത്തുക്കളും മാത്രം അടങ്ങുന്നതായിരുന്നു വിവാഹം. സോഫ്റ്റ് വെയര്‍ എന്‍ജിനീയറാണ് അശ്വിന്‍. 2025 ജൂലൈ 5ന് ആയിരുന്നു ഇവര്‍ക്കൊരു കുഞ്ഞ് ജനിച്ചത്.