തമിഴിലെ യുവതാരം കാര്‍ത്തിക്ക് ഏറ്റവുമധികം ആരാധനയുള്ളത് മോഹന്‍ലാലിനോട്. കാര്‍ത്തി തന്റെ പുതിയ ചിത്രം 'തോഴ'യുടെ റിലീസിന് ശേഷം അനുവദിച്ച ഒരു അഭിമുഖത്തിലാണ് മലയാളത്തിന്റെ സൂപ്പര്‍താരത്തോടുളള ആരാധന തുറന്നു പറഞ്ഞത്. അഭിനയിക്കുന്നു എന്ന് തോന്നിപ്പിക്കാതെ കഥാപാത്രമാകുന്ന മോഹന്‍ലാല്‍ ശൈലിയോടാണ് തനിക്ക് ഏറ്റവുമധികം ആരാധനയെന്ന് കാര്‍ത്തി പറയുന്നു.

രജനിയുടെയും കമലിന്റെയും സിനിമകള്‍ കണ്ടാണ് വളര്‍ന്നതെങ്കിലും അഭിനയത്തില്‍ ആരാധന തോന്നിയത് ലാലിനോട് തന്നെയാണെന്നാണ് കാര്‍ത്തിയുടെ പക്ഷം. പക്ഷെ അഭിനയത്തില്‍ താന്‍ ആരെയും അനുകരിക്കാറില്ലെന്നും കാര്‍ത്തി പറയുന്നു.

മോഹന്‍ലാലിനോടുള്ള ആരാധന തുറന്നു പറയുന്ന ആദ്യത്തെ തമിഴ് സിനിമാ താരമല്ല കാര്‍ത്തി. കാര്‍ത്തിയുടെ സഹോദരന്‍ സൂര്യയും യുവതാരം ധനുഷും മോഹന്‍ലാലാണ് തങ്ങളുടെ ആരാധനപാത്രമെന്ന് നേരത്തെ പറഞ്ഞിട്ടുണ്ട്. മണിരത്‌നത്തിന്റെ 'ഇരുവര്‍' എന്ന സിനിമയിലെ പ്രകടനമാണ് തമിഴകത്ത് മോഹന്‍ലാലിന് നിരവധി ആരാധകരെ നേടിക്കൊടുത്തത്. എം.ജി.ആറിന്റെ കഥാപത്രത്തെയാണ് ഇരുവരില്‍ മോഹന്‍ലാല്‍ അവതരിപ്പിച്ചത്. മോഹന്‍ലാലിന്റെ കരിയറിലെ തന്നെ ഏറ്റവും ശ്രദ്ധേയമായ വേഷങ്ങളിലൊന്നാണിത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha