ആറ് വര്‍ഷമായി സാമന്ത സിനിമയില്‍ എത്തിയിട്ട്, കുറേ ചിത്രങ്ങളില്‍ അഭിനയിച്ചു. പലതും സൂപ്പര്‍ ഹിറ്റായി. താരം പോപ്പുലറായി, പ്രതിഫലവും കൂടി. പക്ഷെ, കരിയറില്‍ ഇതൊക്കെ മാത്രം പോരല്ലോ എന്നാണ് താരം പറയുന്നത്. ഇതൊക്കെ പോപ്പുലറായ ഏത് ആര്‍ടിസ്റ്റിനും ലഭിക്കുന്നതാണ്. എല്ലാ കഥാപാത്രങ്ങളും ടൈപ്പ് കാസ്റ്റ് ചെയ്യാനാണ് ശ്രമിച്ചിട്ടുള്ളത്. ഇപ്പോള്‍ വഴിമാറി ചിന്തിക്കുകയാണ്. സ്ഥിരമായി നായകന്റെ ചുറ്റും വട്ടം കറങ്ങാന്‍ ഇല്ലെന്ന് താരം വ്യക്തമാക്കി. വിജയ് യുടെ നായികയായി അഭിനയിച്ച തെരി സൂപ്പര്‍ഹിറ്റായതോടെയാണ് പുതിയ തീരുമാനം. 

സ്ഥിരം ശൈലിയിലുള്ള കഥാപാത്രങ്ങളോട് നോ പറയുകയാണ്. കാര്യമായി എന്തെങ്കിലും ചെയ്യാനുള്ള കഥാപാത്രങ്ങള്‍ വേണം. അതിനായി കാത്തിരിക്കുകയാണ് താരം. എങ്കിലെ ജനമനസില്‍ എന്നും തനിക്ക് ഒരു സ്ഥാനം ലഭിക്കൂ എന്നും സാമന്ത പറഞ്ഞു. നയന്‍താരയും സിമ്രാനും ജ്യോതികയും ഒക്കെ അങ്ങനെയാണ് അവരുടേതായ രീതിയില്‍ സ്റ്റാറുകളായത്. അനുഷ്‌ക ഷെട്ടിയും മോശമല്ല. അവരെ പോലെ സ്വന്തം നിലയില്‍ വിജയിപ്പിക്കാവുന്ന സിനിമകള്‍ ഉണ്ടാവണം. അരുന്ധതിയും രുദ്രമാ ദേവിയും പോലെ...

മായ എന്ന ഒറ്റ ചിത്രം മതി നയന്‍താരയുടെ അഭിനയ മികവും പോപ്പുലാരിറ്റിയും മനസിലാക്കാന്‍. തങ്കമകനിലേത് നല്ല കഥാപാത്രമായിരുന്നു. അതുപോലുള്ള വേഷങ്ങളും സ്വീകരിക്കും. നായകന് തുല്യമായ വേഷങ്ങള്‍ ഉണ്ടെങ്കിലേ ചലഞ്ചിംഗ് ആയി അഭിനയിക്കാനൊക്കൂ. അപ്പോള്‍ നമുക്ക് തന്നെ ഒരു ഉന്‍മേഷവും ഉണര്‍വും ഉണ്ടാകുമെന്നും താരം പറഞ്ഞു. ഇതെല്ലാം പോസിറ്റീവായി കാണണമെന്നും സാമന്ത പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha