രണ്ട് ജനറേഷനിലുള്ള സംവിധായകര്‍ക്കും താരങ്ങള്‍ക്കും ഒപ്പം അഭിനയിച്ച മിയയ്ക്ക് ഇപ്പയും ഇഷ്ടം മമ്മൂട്ടിയും മോഹന്‍ലാലുമാണ്. ജയറാം, പൃഥ്വിരാജ്, ആസിഫ് അലി എന്നിവരോടൊപ്പം അഭിനയിച്ചു. ഭാവന, രജിത് മേനോന്‍, ഗോവിന്ദ് പത്മസൂര്യ എന്നിവരാണ് അടുത്ത സുഹൃത്തുക്കള്‍. അന്യഭാഷകളില്‍ അഭിനയിച്ചിട്ടുണ്ടെങ്കിലും സുഹൃത്തുക്കളാരുമില്ല. ഭാവനയും രജിത് മേനോനുമായി സ്ഥിരമായി വാട്‌സാപ്പില്‍ സംസാരിക്കാറുണ്ട്. പിന്നെ പ്രമോഷന് വേണ്ടി ഫെയ്‌സ്ബുക്ക് ഉണ്ട്. അത് പക്ഷെ, പ്രേക്ഷകരുമായി സംവദിക്കാനാണ്. 

മേക്കപ്പിലൊന്നും മിയയ്ക്ക് വലിയതാല്‍പര്യമില്ല. ലിപ്സ്റ്റിക്ക് ഇട്ടില്ലെങ്കിലും പൊട്ട് തൊട്ടില്ലെങ്കിലും ബാഗിലെപ്പോഴും കാജല്‍ ഉണ്ടാകും. കണ്ണെഴുത്ത് നിര്‍ബന്ധം. കപ്പേം മീനുമാണ് ഇഷ്ടവിഭവം. നാടന്‍ വിഭവങ്ങളാണ് കോട്ടയത്തുകാരിയായ തനിക്ക് ഇഷ്ടം. നാടന്‍ വേഷങ്ങളാണ് ഇഷ്ടം. ഹായ് അയാം ടോണിയില്‍ മോഡേണ്‍ വേഷമാണ് ചെയ്തത്. തമിഴില്‍ ചെയ്ത സിനിമകളെല്ലാം നാടനായിരുന്നു. ഗ്രാമീണ കഥാപാത്രങ്ങള്‍. 

സിനിമകളുടെ പ്രമോഷനും ബര്‍ത്ത്‌ഡേ വിഷ് ചെയ്യുന്ന ആരാധകര്‍ക്കുള്ള മറുപടി അയയ്ക്കുന്നതിനുമാണ് ഫെയ്‌സ്ബുക്ക് ഐ.ഡി തുടങ്ങിയത്. പക്ഷെ, പലപ്പോഴും മോശം അഭിപ്രായം ചിലര്‍ ഇടുന്നു. അതൊക്കെ കാണുമ്പോള്‍ വിഷമം തോന്നും. എന്ത് ചെയ്യാന്‍. എന്നാല്‍ പലപ്പോഴും നല്ല അഭിപ്രായങ്ങളും പ്രോല്‍സാഹനങ്ങളും തരുന്നവരുമുണ്ടെന്നും താരം പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha