താന്‍ സോഫ്ട് വെയര്‍ എഞ്ചിനിയറെ വിവാഹം കഴിക്കുന്നെന്ന വാര്‍ത്ത ശരിയല്ലെന്ന് നടി തമന്ന. സോഫ്ട് വെയര്‍ എന്നല്ല ഒരു എഞ്ചിനിയറെയും കെട്ടില്ലെന്ന് താരം വ്യക്തമാക്കി. ഈ വാര്‍ത്ത വന്നത് മുതല്‍ തമന്നയ്ക്കും പിതാവ് സന്തോഷ് ഭാട്ടിയയ്ക്കും നിര്‍ത്താതെ കോളുകള്‍ വന്നുകൊണ്ടിരിക്കുകയാണ്. അഥവാ കല്യാണം ഉണ്ടെങ്കില്‍ അക്കാര്യം രഹസ്യമാക്കില്ലെന്നും എല്ലാവരെയും അറിയിക്കുമെന്നും താരം പറഞ്ഞു. ഇപ്പോള്‍ തിരക്കഥകള്‍ വായിക്കുന്ന തിരക്കിലാണ് താരം. 

തമിഴിലും തെലുങ്കിലും കുറേ പ്രോജക്ട് ഉണ്ട്. അതിന് പുറമേ ബോളിവുഡിലും അവസരങ്ങളുണ്ട്. ഇപ്പോള്‍ പ്രഭുദേയുടെ സിനിമയില്‍ അഭിനയിക്കുന്ന തിരക്കുമുണ്ട്. ഇത്തരം വ്യാജ വാര്‍ത്തകള്‍ താമസിക്കാതെ മരിക്കുമെന്നും താരം പറഞ്ഞു. ഇത്തരം വാര്‍ത്തകള്‍ എഴുതുന്നവരെ സഹായിക്കാന്‍ തനിക്ക് കഴിയില്ലല്ലോ എന്നതില്‍ വിഷമമുണ്ടെന്നും താരം പറഞ്ഞു. വാര്‍ത്തകള്‍ പ്രസിദ്ധീകരിക്കും മുമ്പ് പത്രാധിപന്‍മാര്‍ തന്നെയോ വീട്ടുകാരെയോ വളിച്ച് ചോദിക്കണമായിരുന്നെന്നും തമന്ന ട്വിറ്ററില്‍ കുറിച്ചു. 

തോഴ സൂപ്പര്‍ഹിറ്റായതോടെ തമന്നയുടെ മാര്‍ക്കറ്റും കൂടി. അതുകൊണ്ട് കുറച്ച് കാലത്തേക്ക് വിവാഹം കഴിക്കാനും ഉദ്ദേശിക്കുന്നില്ല. ഇത്തരം വ്യാജന്‍മരെ വിശ്വസിക്കരുതെന്ന് ആരാധകരോടും താരം പറഞ്ഞു. കരിയറിന്റെ ഉയര്‍ച്ചയില്‍ മറ്റ് പല കാര്യങ്ങളും ചെയ്യാനുണ്ട്. വ്യത്യസ്തമായ കഥാപാത്രങ്ങളാണ് ഇപ്പോള്‍ ലഭിക്കുന്നത്. ഒരു പക്ഷെ, പിന്നീടിത് ലഭിക്കില്ലെന്നും താരം പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha