ദുരദര്‍ശന്‍ ചാനലിനെ ഉടച്ച് വാര്‍ക്കണമെന്ന് രാജ്യസഭാ എം.പി സുരേഷ് ഗോപി പ്രധാനമന്ത്രി നരേന്ദ്രമോഡിയോട് ആവശ്യപ്പെട്ടു. സ്റ്റാര്‍ നെറ്റ് വര്‍ക്ക് പോലെ ഏറ്റവും പ്രൊഫഷണലായ ചാനലായി മാറ്റിയെടുക്കണം. തന്റെ ചിന്തയില്‍ അങ്ങനെ ഒരാശയം ഇല്ലായിരുന്നെന്ന് പ്രധാനമന്ത്രി പറഞ്ഞതായി സുരേഷ് ഗോപി പറഞ്ഞു.
ഗോത്രവര്‍ഗക്കാരുടെ വളര്‍ച്ച ലക്ഷ്യമാക്കിയുള്ള പദ്ധതികളെ കുറിച്ചും ചര്‍ച്ച നടത്തി. അവരുടെ വിദ്യാഭ്യാസം, ആരോഗ്യം എന്നീകാര്യങ്ങളിലാണ് ശ്രദ്ധ വേണണ്ടതെന്നും എം.പി പറഞ്ഞു. ഗുജറാത്തില്‍ ഗോത്രവര്‍ഗക്കാര്‍ക്കായി നടത്തുന്ന പദ്ധതികളെ കുറിച്ച് പ്രധാനമന്ത്രി താരത്തോട് പറഞ്ഞു. ഗുജറാത്തില്‍ ഗോത്രവര്‍ഗക്കാരില്‍ നിന്ന് ആയിരത്തോളം പേരെ കണ്ടെത്തി, വിദ്യാഭ്യാസം നല്‍കി സര്‍ക്കാര്‍ സര്‍വ്വീസില്‍ ജോലി ഉറപ്പാക്കുന്നുണ്ട്. അങ്ങനെയുള്ള നിരവധി പേര്‍ മോഡി മുഖ്യമന്ത്രിയായിരുന്നപ്പോള്‍ ഓഫീസില്‍ ജോലി ചെയ്തിരുന്നു.
ഇതിനൊക്കെ പുറമേ 248 പേരെ ഉന്നതവിദ്യാഭ്യാസത്തിനായി കാനഡയിലേക്ക് അയച്ചു. പൈലറ്റ് പരിശീലനം നടത്തുന്നവരും അക്കൂട്ടത്തിലുണ്ട്. നമ്മുടെ കേരളത്തിലെ ഗോത്രവര്‍ഗക്കാരുടെ വിദ്യാഭ്യാസവും ജോലിയും ഉള്‍പ്പെടെയുള്ള മറ്റ് കണക്കുകളും പരിശോധിച്ചാല്‍ നാണംകെടുമെന്ന് സുരേഷ് ഗോപി പറഞ്ഞു. അതിനാല്‍ ഗോത്രവര്‍ഗക്കാരുടെ ഉന്നമനത്തിനായി പ്രത്യേകം പ്രാധാന്യം നല്‍കുമെന്നും സുരേഷ് ഗോപി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha