അമിതാഭ് ബച്ചന്‍ ചിത്രം ഉപേക്ഷിച്ചിട്ടാണ് ഹോളിവുഡ് നടി ഹുമ ഖുറോഷി മമ്മൂട്ടിയുടെ വൈറ്റില്‍ അഭിനയിക്കാനെത്തിയത്. പക്ഷെ, മലയാളത്തിലുള്ള സംഭാഷണങ്ങള്‍ താരത്തെ വട്ടംകറക്കി. മഴയും പുഴയും പറഞ്ഞ് താരത്തിന്റെ ടെമ്പറ് തെറ്റി. ലണ്ടന്‍ മലയാളിയായ പാര്‍വതി പിള്ളയാണ് ഹുമയെ മലയാളം പഠിപ്പിച്ചത്. സംവിധായകന്‍ ഉദയ് അനന്തന്റെ അസിസ്റ്റന്റാകാന്‍ എത്തിയതായിരുന്നു പാര്‍വതി. എന്നാല്‍ ഹുമയെ മലയാളം ഡയലോഗുകള്‍ പഠിപ്പിക്കാനാണ് സംവിധായകന്‍ ഏല്‍പ്പിച്ചത്. പല മലയാളം വാക്കുകളും അന്യഭാഷക്കാര്‍ക്ക് ഉച്ചരിക്കാന്‍ ബുദ്ധിമുട്ടാണെന്ന് ഇപ്പോഴാണ് തനിക്ക് മനസിലായതെന്ന് പാര്‍വതി പറഞ്ഞു.
ലണ്ടനിലെ ഒരു ഹയര്‍ സെക്കന്‍ഡറി സ്‌കൂളിലെ അധ്യാപികയാണ് പാര്‍വതി. പലപ്പോഴും ഹുമ മലയാളം വാക്കുകള്‍ മുറിച്ച് പറയുമ്പോള്‍ സെറ്റില്‍ ചിരിപടരുമായിരുന്നു. പിടിച്ചുപറി എന്ന വാക്ക് ഹുമ പലപ്പോഴും മുറിച്ച് പറയുമായിരുന്നു. പക്ഷെ, അതൊന്നും താരത്തെ തളര്‍ത്തിയിരുന്നില്ല. കുത്തിയിരുന്ന് ഡയലോഗുകള്‍ ഭംഗിയായി പഠിച്ചു. നിങ്ങള്‍ക്കൊന്നും മനസിലാവില്ല, നിങ്ങള്‍ക്കെല്ലാം കളിയാണ്, എന്ന് ഡയലോഗ് ഹുമ പറഞ്ഞ് നിര്‍ത്തിയപ്പോള്‍ യൂണിറ്റിലുള്ളവരെല്ലാം കയ്യടിച്ച് അഭിനന്ദിച്ചു. സന്തോഷം കൊണ്ട് ഹുമ തന്നെ കെട്ടിപ്പിടിച്ചെന്ന് പാര്‍വതി പറഞ്ഞു.
പലപ്പോഴും ഹുമയുടെ ടൈംമിംഗും ഡയലോഗുകളും തെറ്റിക്കൊണ്ടേയിരുന്നു. അപ്പോഴൊക്കെ മമ്മൂട്ടിയും സഹിയിച്ചു. മലയാളം പഠിക്കുക എന്നത് ഹെര്‍ക്കുലിയന്‍ ടാസ്‌ക്കാണെന്നാണ് ഹുമ പറയുന്നത്. രോഷ്‌നി മേനോന്‍ എന്ന കഥാപാത്രത്തെയാണ് ഹുമ അവതരിപ്പിക്കുന്നത്. രോഷ്‌നി മേനോന്‍ താമസിക്കുന്ന വീടിന്റെ ഉടമയായി പാര്‍വതി ചിത്രത്തില്‍ അഭിനയിക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha