നടന്‍ രതീഷിന്റെ രണ്ടാമത്തെ മകള്‍ പത്മ താരപ്പകിട്ടോടെ സുമംഗലിയായി. താരസാന്നിധ്യത്തില്‍ ഇടപ്പള്ളി സ്വദേശി സഞ്ജീവ് പത്മയുടെ കഴുത്തില്‍ താലി ചാര്‍ത്തി. കൊച്ചിയില്‍ നടന്ന ചടങ്ങിന് മലയാള സിനിമാലോകം ഒന്നടങ്കമെത്തി.

മേനകയും സുരേഷും മാതാപിതാക്കളുടെ സ്ഥാനത്തുനിന്ന് വധുവിനെ കതിര്‍മണ്ഡപത്തിലേക്ക് ആനയിച്ചു. താലവുമായി പാര്‍വതിയും കീര്‍ത്തിയും രാധിക സുരേഷ് ഗോപിയും വധുവിനെ വരവേറ്റു. മമ്മൂട്ടി മോതിരം കൈമാറി. ജയറാം പൂച്ചെണ്ട് നല്‍കി. പാര്‍വതിയും മേനകയും വധൂവരന്മാര്‍ക്ക് മധുരം പകര്‍ന്നു.

ദിലീപ്, മഞ്ജു വാര്യര്‍, തിരുവനന്തപുരത്തെ ബിജെപി സ്ഥാനാര്‍ത്ഥി ശ്രീശാന്ത് തുടങ്ങി നിരവധി പ്രമുഖര്‍ ചടങ്ങിന് സാക്ഷികളായി. കവിയൂര്‍ പൊന്നമ്മ, കെ.പി.എ.സി ലളിത, രഞ്ജി പണിക്കര്‍, മനോജ് കെ ജയന്‍, മണിയന്‍പ്പിള്ള രാജു, ഷാജി കൈലാസ്, ആനി, ചിപ്പി, നീരജ് മാധവ്, തുടങ്ങിയ സിനിമാ രംഗത്തെ മറ്റ് പ്രമുഖരും വിവാഹത്തില്‍ പങ്കെടുത്തു.

മലയാളത്തില്‍ നായകനായും വില്ലനായും തിളങ്ങിയിരുന്ന രതീഷ് 2002ലാണ് മരിച്ചത്. അതിന് ശേഷം അമ്മ ഡയാനയായിരുന്നു മക്കളായ പാര്‍വതി, പത്മരാജ്, പത്മ, പ്രണവ് എന്നിവരുടെ താങ്ങും തണലും. ട്യൂമര്‍ കാരണം ഡയാനയും മരിച്ചതോടെ സിനിമാ ലോകത്തിന്റെ സംരക്ഷണയിലായി മക്കള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha