കാമുകനും തെന്നിന്ത്യന്‍ താരവുമായ സിദ്ധാര്‍ത്ഥുമായുള്ള പ്രണയബന്ധം സാമന്ത അവസാനിപ്പിച്ചു. സൂര്യയുടെ അഞ്ജാതെയില്‍ സാമന്ത ബിക്കിനിയില്‍ അഭിനയിച്ചത് മുതലാണ് ഇരുവരും തമ്മില്‍ ഉടക്ക് തുടങ്ങിയത്. സമന്തയുടെ ജീവിതത്തില്‍ നാഗചൈതന്യ എത്തുന്നു എന്നതാണ് പുതിയ വാര്‍ത്ത. അടുത്തിടെ പ്രത്യക്ഷപ്പെട്ട ഒരു ട്വീറ്റ് സന്ദേശത്തില്‍ സമന്ത പറഞ്ഞിരുന്നു, താനിപ്പോള്‍ പ്രണയത്തിലാണെന്നും ആള് ഹൈദരാബാദുകാരനാണെന്നും. അത് ശരിവയ്ക്കുന്ന തരത്തിലാണ് വാര്‍ത്തകള്‍ വരുന്നത്.

സൗഹൃദത്തിന്റെ അതിരുകള്‍ താണ്ടി ഇരുവരും പ്രണയത്തിലാണെന്ന് തമിഴ്, തെലുങ്ക് സിനിമാ ലോകം പറയുന്നു.പല സിനിമ ചടങ്ങുകളുടെയും അല്ലാതെയുമുള്ള ലഞ്ച്ഡിന്നര്‍ വേദികളില്‍ ഈ കമിതാക്കള്‍ നിത്യസന്ദശകരായിരിക്കുന്നു. സമന്തയുടെ വിവാഹം തെന്നിന്ത്യന്‍ ചലച്ചിത്രവേദിയില്‍ ചൂടുള്ള വിഷയമായിരുന്നപ്പോള്‍ അവര്‍ പറഞ്ഞിരുന്നത് തനിക്ക് അഞ്ച് അടുത്ത സുഹൃത്തുക്കള്‍ ഉണ്ടെന്നും, അതില്‍ ഒരാളാണ് നാഗചൈതന്യയെന്നുമായിരുന്നു. ഇപ്പോള്‍ ചൈതന്യയുമായുള്ള സൗഹൃദം പ്രണയത്തിന് വഴിമാറിയത് യാദൃച്ഛികമാവാം.

എന്നാല്‍ ഇതേക്കുറിച്ച് നാഗ് ചൈതന്യയോ, അദ്ദേഹത്തിന്റെ പിതാവ് നാഗാര്‍ജുനയോ, മാതാവ് അമലയോ പ്രതികരിച്ചിട്ടില്ല. മക്കളുടെ വ്യക്തിപരമായ ഇഷ്ടങ്ങളില്‍ തങ്ങള്‍ ഇടപെടെണ്ട എന്ന നിലപാടിലാണ് ഇരുവരും. താമസിക്കാതെ നാഗ്‌ചൈതന്യയും സാമന്തയും പുതിയ ചിത്രത്തില്‍ കരാറൊപ്പിടുമെന്ന് അറിയുന്നു. നാഗാര്‍ജുനയുടെ തോഴയില്‍ അഭിനയിക്കാന്‍ സാമന്തയെ ക്ഷണിച്ചെങ്കിലും അവര്‍ ഓഫര്‍ നിരസിച്ചിരുന്നു. അതിന്റെ കാരണം ഇപ്പോഴാണ് പുറത്തായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha