നാദിര്‍ഷയുടെ അമര്‍ അക്ബര്‍ അന്താണിയില്‍ കുഞ്ഞിപ്പാത്തുവിനെ അവതരിപ്പിച്ച മീനാക്ഷിയോട് ഒരു ദിവസം നാദിര്‍ഷ ചോദിച്ചു; സിനിമയില്‍ എന്തൊക്കെ വേഷങ്ങള്‍ ചെയ്യാനാണ് ആഗ്രഹമെന്ന്. തനിക്ക് രാജു അങ്കിളിന്റെ നായികയാവണമെന്ന് മീനാക്ഷി പറഞ്ഞു. അത് കേട്ട് പൃഥ്വിരാജ് ഒരുപാട് ചിരിച്ചു. മീനാക്ഷി ആദ്യം അഭിനയിച്ചത് വണ്‍ ബൈ ടുവിലായിരുന്നു. യക്ഷിയുടെ വേഷം. പക്ഷെ, തിയറ്ററില്‍ പോയപ്പോള്‍ അങ്ങനെ ഒരു കഥാപാത്രമേയില്ല. എഡിറ്റ് ചെയ്തപ്പോള്‍ മാറ്റിയതാണ്. അന്ന് കുറേ കരഞ്ഞു. പിന്നെ ആനമയില്‍ ഒട്ടകം ചെയ്തു. ജമ്‌നാപ്യാരിയിലെ നായികയുടെ കുട്ടിക്കാലം അവതരിപ്പിച്ചു. ഇപ്പോള്‍ കാണ്‍പത് പൊയ് എന്ന സിനിമയിലും അഭിനയിച്ചു. 

ഷൂട്ടിംഗിന് പോകുമ്പോ അമ്മൂമ്മയാണ് കൂടെ വരുന്നത്. അനിയന്റെ കാര്യം നോക്കേണ്ട കൊണ്ട് അമ്മയ്ക്ക് വരാന്‍ പറ്റില്ല. മീനാക്ഷി അഭിനയിച്ച സ്പര്‍ശം എന്ന ഷോര്‍ഫിലിം അലിഗഡ് യൂണിവേഴ്‌സിറ്റിയില്‍ പ്രദര്‍ശിപ്പിച്ചു. അതിലെ അഭിനയത്തിന് മികച്ച നടിക്കുള്ള പുരസ്‌കാരവും ലഭിച്ചു. ജയസൂര്യ അങ്കിള്‍ തന്റെ അനുജനെ പോലെയാണെന്നാണ് മീനാക്ഷി പറയുന്നത്. ഇടയ്ക്കിടെ വഴക്കുണ്ടാക്കും. ഉണ്ടക്കണ്ണീന്ന് വിളിക്കും. അപ്പോ മീനാക്ഷി തിരിച്ച് ഉണ്ടക്കണ്ണാന്ന് വിളിക്കും. എന്നാല്‍ രാജു അങ്കിളിന് ഭയങ്കര സ്‌നേഹമാണ്. ഇടയ്ക്കിടെ തന്നെ എടുത്തുകൊണ്ട് നടക്കുമെന്ന് മീനാക്ഷി പറഞ്ഞു. 

ഇന്നു ഞാനെന്റെ... എന്ന പാട്ട് മീനാക്ഷി പാടിയതാണോന്ന് പലരും ചോദിക്കാറുണ്ട്. ശ്രേയ എന്ന കൊച്ച് ഗായികയാണത് പാടിയത്. എന്നാലും തന്റെ ശബ്ദം പോലുണ്ടെന്ന് മീനാക്ഷി പറഞ്ഞു. അമര്‍ ഹിറ്റായതോടെ പുതിയ ഒരുപാട് അവസരങ്ങള്‍ താരത്തെ തേടി വരുന്നുണ്ട്. താമസിക്കാതെ തമിഴ് സിനിമയിലും അഭിനയിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha