പുലിമുരുകന്‍ വളരെ ഡൗണ്‍ ടു എര്‍ത്തായ ഒരു സിനിമയാണെന്ന് മോഹന്‍ലാല്‍. പുലിയുമായിട്ടാണ് പുലിമുരുകനിലെ ഫൈറ്റ് രംഗങ്ങള്‍ ആദ്യം പ്ലാന്‍ ചെയ്തിരുന്നത് എന്ന് മോഹന്‍ലാല്‍ പറഞ്ഞു. പക്ഷേ പുലിയുടെ വേഗത്തിനൊപ്പിച്ച് നമുക്ക് നീങ്ങാന്‍ പറ്റില്ല. അങ്ങനെയാണ് കടുവ മറ്റൊരു സാധ്യതയായത്. കടുവയെ വരയന്‍ പുലിയെന്നും വിളിക്കാറുണ്ട്. സ്വാമി അയ്യപ്പന്‍ പണ്ട് പുലിപ്പാലുമായി വന്നത് കടുവയുടെ (വരയന്‍ പുലി) പുറത്തല്ലേ. കാട്ടില്‍ ജീവിക്കുന്ന പുലി മുരുകന്‍ ഒരു നിഷ്‌കളങ്കനാണ്. കടുവയാണ് വില്ലന്‍.
ഒരുപാട് സമയമെടുത്ത് ചെയ്യുന്ന സിനിമയാണ് പുലി മുരുകന്‍. ചിത്രത്തിന്റെ ലൊക്കേഷനുകള്‍ അധികവും ഉള്‍ക്കാടുകളിലായിരുന്നു. അതു കൊണ്ട് തന്നെ വൈകിട്ട് അഞ്ചര കഴിയുമ്പോഴേക്ക് ഷൂട്ടിംഗ് പായ്ക്കപ്പ് ചെയ്യണമായിരുന്നു. അഞ്ചരകഴിഞ്ഞാല്‍ അവിടെ ആനയിറങ്ങും. ഒരുപാട് തവണ ഷൂട്ടിംഗ് സംഘത്തെ ആന ഓടിച്ചിട്ടുണ്ട്. രാവിലെ ഷൂട്ടിംഗിന് പോകുമ്പോള്‍ ആനയെ കണ്ടിട്ടുണ്ട്. അവയൊന്നും ചെയ്യില്ല. പക്ഷേ രണ്ടോ മൂന്നോ ആനകള്‍ മുന്നില്‍ വന്ന് നില്‍ക്കുമ്പോള്‍ ആര്‍ക്കും പേടിതോന്നില്ലേ പുലി മുരുകനാണെന്ന് പറഞ്ഞിട്ടൊന്നും കാര്യമില്ല. മോഹന്‍ലാല്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha