ഗായകന്‍ ബെന്നി ദയാല്‍ വിവാഹിതനായി. നടിയും മോഡലുമായ കാതറീന്‍ തങ്കത്തെയാണ് ജീവിതസഖിയാക്കിയത്. ഹിന്ദു-ക്രിസ്ത്യന്‍ ആചാര പ്രകാരം മുംബൈയില്‍ ഇന്നലെയായിരുന്നു ആര്‍ഭാട വിവാഹം നടന്നത്.

ബോളിവുഡ് സംഗീത സംവിധായകനും ബെന്നിയുടെ അടുത്ത സുഹൃത്തുമായ വിശാല്‍ ദഡ്‌ലാനിയാണ് ട്വിറ്ററിലൂടെ വധുവരന്‍മാരുടെ ഫോട്ടോ പുറത്തുവിട്ടത്. വെള്ള കുര്‍ത്തയും വലിയ വട്ടത്തില്‍ ഫ്രെയിമുള്ള കണ്ണടയും അണിഞ്ഞാണ്വരനെത്തിയത്. കല്ലു പതിപ്പിച്ച സാരിയായിരുന്നു വധുവിന്റെ വേഷം.

സുഹൃത്തുക്കള്‍ വഴിയാണ് ബെന്നി കാതറീനെ പരിചയപ്പെടുന്നതും പ്രണയത്തിലാകുന്നതും. ന്യൂയോര്‍ക്കിലാണ് കാതറീന്‍ സ്ഥിരതാമസം. പതിനൊന്നു വയസു മുതല്‍ നൃത്തമഭ്യസിക്കുന്ന കാതറീന്‍ ഇന്ത്യയ്ക്കത്തും പുറത്തും നിരവധി വേദികളില്‍ പരിപാടി അവതരിപ്പിച്ചിട്ടുമുണ്ട്.

ജാനേ തൂ യാ ജാനേ നായിലെ പപ്പൂ കാന്റ് ഡാന്‍സ് എന്ന പാട്ടാണ് ബെന്നിയെ പ്രശസ്തനാക്കിയത്. തൂ മേരി ദോസ്ത് ഹെ, കൈസേ മുഛേ, തര്‍ക്കീബീന്‍, ദാരു ദേസി, ബാങ് ബാങ് എന്നിവയാണ് ബെന്നിയുടെ മറ്റ് ഹിറ്റ് നമ്പറുകള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha