ഉര്വശി മതപരിവര്ത്തനം നടത്തുന്നു
ദീര്ഘകാലത്തെ ഇടവേളയ്ക്ക് ശേഷം മലയാള സിനിമയില് സജീവമാകുന്ന ഉര്വശി മതവരിവര്ത്തനം നടത്തുന്നു. ഹവിസ് എന്ന ചിത്രത്തിലാണ് മതപരിവര്ത്തനം നടത്തുന്ന ബ്രാഹ്മണ സ്ത്രീയുടെ വേഷത്തില് ഉര്വശി മടങ്ങിവരുന്നത്. 1950 മുതല് 1984 വരെയുള്ള കഥയാണ് ചിത്രം പറയുന്നത്. തലൈവാസല് വിജയ് ആണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ബ്രാഹ്മണ സമുദായത്തിന്റെ വിശ്വാസങ്ങളും ആചാരങ്ങളും അന്ധിശ്വാസങ്ങളും ചര്ച്ച ചെയ്യുന്നു. ചിത്രകാരിയായ ശാരദാമണിയാണ് ചിത്രം സംവിധാനം ചെയ്യുന്നത്. മുരളി കൃഷ്ണ കഥയും തിരക്കഥയും ഛായാഗ്രഹണവും നിര്വഹിക്കുന്നു.
നിഷ്ക്കളങ്കയും അനാഥയുമായ ഒരു ബ്രാഹ്മണ പെണ്കുട്ടിയെ സംരക്ഷിക്കേണ്ടി വരുന്നതിലൂടെ ഒരു വ്യക്തി അനുഭവിക്കുന്ന മാനസിക സംഘര്ഷങ്ങളും ഭൗതികമായ എതിര്പ്പുകളുമാണ് ചിത്രത്തിലേക്ക് ആകര്ഷിച്ചതെന്ന് ഉര്വശി പറഞ്ഞു. മുമ്പും ബ്രാഹ്മണ സ്ത്രീയായി അഭിനയിച്ചിട്ടുണ്ടെങ്കിലും ഇത്രയും തീവ്രമായ ജീവിത മുഹൂര്ത്തങ്ങളുള്ള തിരക്കഥ ലഭിച്ചിട്ടില്ലെന്നും ഉര്വശി പറഞ്ഞു. സംവിധായികയ്ക്ക് നേരിട്ട് അനുഭവമുള്ള കാര്യങ്ങളാണ് ചിത്രത്തിലുള്ളത്. ഗൗരി എസ് നായരാണ് ബ്രാഹ്മണ പെണ്കുട്ടിയെ അവതരിപ്പിക്കുന്നത്.
വിജയരാഘവന്, ശ്രീദേവി ഉണ്ണി, തമ്പി ആന്റണി, സായ്കുമാര് എന്നിവരാണ് മറ്റ് താരങ്ങള്. സെപ്തംബറോടെ ചിത്രീകരണം തുടങ്ങും. അതിന് മുമ്പ് കമ്മിറ്റ് ചെയ്ത തമിഴ് ചിത്രങ്ങള് പൂര്ത്തിയാക്കാനുണ്ടെന്ന് ഉര്വശി പറഞ്ഞു. കഴിഞ്ഞ വര്ഷം നിരവധി തമിഴ്, തെലുങ്ക് ചിത്രങ്ങളില് അഭിനയിച്ചതിനാല് മലയാളത്തില് ശ്രദ്ധിക്കാന് പറ്റിയില്ലെന്നും ഉര്വശി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
