ബോളിവുഡിലും ടോളിവുഡിലും ഇപ്പോള്‍ ഇല്യാന ഡിക്രൂസിനെ കാണാറില്ല. 2012 ല്‍ പുറത്തിറങ്ങിയ ജൂലായി എന്ന തെലുങ്ക് ചിത്രത്തിലാണ് ഇല്യാനയെ ഏറ്റവും ഒടുവില്‍ കണ്ടത്. എന്തുപറ്റി, ഇല്യാന അഭിനയം നിര്‍ത്തിയോ? വിവാഹം ആലോചിയ്ക്കുന്നുവോ തുടങ്ങിയ ചോദ്യങ്ങള്‍ സജീവമായി. താന്‍ സിനിമയില്‍ നിന്ന് വിട്ടു നില്‍ക്കുന്നതിന്റെ കാരണം വെളിപ്പെടുത്തി രംഗത്തെത്തിയിരിയ്ക്കുകയാണ് ഇപ്പോള്‍ ഇല്യാന. 

ഇല്യാന സിനിമയില്‍ നിന്ന് വിട്ടു നില്‍ക്കാനുള്ള കാരണം വ്യക്തമാക്കുന്നത് ഇങ്ങനെയാണ്. 'മനപൂര്‍വ്വം സിനിമയെ ഒഴിവാക്കിയതല്ല. എനിക്ക് ലഭിയ്ക്കുന്ന വേഷങ്ങളില്‍ സംതൃപ്തയല്ല ഞാന്‍. അതൊട്ടും തന്നെ എന്നെ സന്തോഷിപ്പിയ്ക്കുന്നില്ല. തിരക്കഥ പകുതി മാത്രം കേട്ട് സിനിമ തിരഞ്ഞെടുക്കില്ല. നല്ല വേഷങ്ങളുണ്ടെങ്കില്‍ സിനിമയില്‍ അഭിനയിക്കും' എന്നും താരം വ്യക്തമാക്കി.

ഒരു സിനിമ ചെയ്യുമ്പോള്‍, ചിത്രീകരണത്തിന്റെ അവസാന ദിവസവും ആ സിനിമയും കഥാപാത്രവും തന്നെ സന്തോഷിപ്പിയ്ക്കും എന്നുറപ്പുണ്ടെങ്കില്‍ സിനിമ തിരഞ്ഞെടുക്കുമത്രെ. വാണിജ്യ സിനിമകള്‍ ആസ്വദിക്കാറുണ്ട്, പക്ഷെ ഒരേ തരം വേഷങ്ങള്‍ മാത്രം ചെയ്യുന്നതിനോട് താത്പര്യമില്ല. ടൈപ്പ്കാസ്റ്റ് ചെയ്യപ്പെടുന്നതില്‍ നിന്ന് വിട്ടു നില്‍ക്കാന്‍ വേണ്ടിയുമാണ് ഈ ഇടവേളയെന്ന് നടി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha