മലയാളം ചാനലുകളിലെ സീരിയലുകള്‍ ബീഭത്സമെന്ന് പേളി. എത്ര ഇറിറ്റേറിങ്ങായാണ് സീരിയലുകളില്‍ നടിമാര്‍ പ്രസന്റ് ചെയ്യുന്നത്. ചുരുണ്ട മുടിയുള്ള പെണ്‍കുട്ടികളെല്ലാം വില്ലത്തികളാണെന്ന സന്ദേശമാണ് പല സീരിയലുകളും നല്‍കുന്നത്. വീട്ടമ്മമാരെ വഴിതെറ്റിക്കുന്നത് സീരിയലുകളാണ്. അച്ഛന്‍, അമ്മ, മകന്‍, മകള്‍ ബന്ധങ്ങള്‍ തകര്‍ക്കാനാണ് സീരിയലുകളുടെ ശ്രമം. പച്ചക്കറികളിലും മറ്റുമുള്ള വിഷത്തെപ്പറ്റി ആശങ്കപ്പെടുന്നവര്‍ സീരിയലുകളിലെ വിഷത്തെ കുറിച്ച് ആശങ്കപ്പെടുന്നില്ലെന്നും പേളി പറഞ്ഞു.

തന്റെ മമ്മിയും ഡാഡിയും താന്‍ ശാന്തമായി ഇരിക്കുന്നത് കാണാന്‍ കൊതിക്കുന്നുണ്ടെന്നും പലപ്പോഴും അതിന് പറ്റുന്നില്ലെന്നും പേളി പറഞ്ഞു. റബ്ബര്‍ പാല്‍ കുടിച്ചത് പോലെ തെറിച്ച് നടക്കാനാണ് തനിക്ക് ഇഷ്ടമെന്നും താരം പറഞ്ഞു. തന്റെ മുടിക്ക് പോലും ശാന്തഭാവമില്ലെന്നും താരം പറഞ്ഞു. കറിവേപ്പില ഇട്ട് കാച്ചിയ എണ്ണയാണ് ഉപയോഗിക്കുന്നത്. എന്നിട്ടും മുടിയിങ്ങനെ ചുരുണ്ട് പലന്ന് നില്‍ക്കും. പാരമ്പര്യമായി ലഭിച്ചതാണ്. ആദ്യമൊക്കെ ഈ മുടി ഇഷ്ടമല്ലായിരുന്നു. ബാംഗഌര്‍ ക്രൈസ്റ്റ് കോളജില്‍വെച്ച് സീനിയേഴ്‌സ് മുടി അഴിപ്പിച്ച് നിര്‍ത്തിയിരുന്നു.

കുട്ടികളെ പേളിക്ക് വലിയ ഇഷ്ടമാണ്. സ്‌കൂളില്‍ പോകാന്‍ ഗതിയില്ലാത്ത, ഫീസ് അടയ്ക്കാന്‍ കഴിയാത്ത കുട്ടികളെ സഹായിക്കണം. അത് താരത്തിന്റെ വലിയ ആഗ്രഹമാണ്. അവര്‍ക്ക് അവരുടെ പാഷന്‍ ഫോളോ ചെയ്യാന്‍ പണം വേണം. അത് സംഘടിപ്പിച്ച് നല്‍കണം. കുറേ നാളായി അതിന് പിന്നാലെയാണ്. സുഹൃത്തുക്കളുടെ സഹായത്തോടെ ഈ ചാരിറ്റി കൂടുതല്‍ വിപുലമാക്കാനാണ് പേളിയുടെ തീരുമാനം. ഇതിനായി പല സുഹൃത്തുക്കളും സമ്മതം അറിയിച്ചിട്ടുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha