നായികയാവണോ ? എങ്കില്‍ കൂടെക്കിടക്കണമെന്നു പറഞ്ഞ നടന്‍, രാധിക ആപ്തെ അണിയറയിലെ കയ്പേറിയ അനുഭവങ്ങള്‍ പങ്കിടുന്നു
ഒരു സിനിമയുടെ ഷൂട്ടിംഗ് നടക്കുന്ന സമയം. ഹോട്ടലില്‍ വിശ്രമിക്കുകയാണ് താന്‍. അപ്പോഴാണ് സിനിമലോകം ആരാധിക്കുന്ന നായകനടന്റെ ഫോണ്‍കോള്‍. ഹോട്ടല്‍ റൂമിലെ ഫോണിലേക്ക് വിളിച്ചാണ് പ്രേമലോലുപമായി സംസാരിച്ചത്. കാര്യം മനസിലായ താന്‍ കടുത്ത മറുപടി കൊടുക്കുകയും ചെയ്തു.
ഒരു ദേശീയ മാധ്യമത്തിനു നല്കിയ അഭിമുഖത്തിലാണ് സിനിമലോകത്തുനിന്നു നേരിടേണ്ടിവന്ന കയ്പേറിയ അനുഭവങ്ങള്‍ ബോളിവുഡ് താരം രാധിക ആപ്തെ തുറന്നുപറഞ്ഞത്. തെന്നിന്ത്യന്‍ താരത്തില്‍നിന്നും ബോളിവുഡ് നിര്‍മാതാവില്‍നിന്നുമുണ്ടായ അനുഭവങ്ങള്‍ നായിക തുറന്നുപറഞ്ഞത്. കിടപ്പറ പങ്കിടാന്‍ തയാറാകാതിരുന്നതിനാല്‍ പല അവസരങ്ങളും നഷ്ടമായ കാര്യവും അവര്‍ വെളിപ്പെടുത്തി.
ബോളിവുഡില്‍ നിന്നും സമാനമായ അനുഭവം ഉണ്ടായതായി രാധിക പറയുന്നു. ഒരു ബോളിവുഡ് ചിത്രത്തില്‍ നായികയായി അഭിനയിക്കാന്‍ അവസരം തരാമെന്ന് പറഞ്ഞ് ഒരു ദിവസം ഫോണ്‍ കോള്‍ വന്നു. നിര്‍മാതാവിന്റെ കൂടെ കിടക്ക പങ്കിട്ടാല്‍ മാത്രമെന്നായിരുന്നു അയാള്‍ പറഞ്ഞത്. ആ അവസരം തനിക്ക് വേണ്ടെന്ന് ശക്തമായ ഭാഷയില്‍ താന്‍ പ്രതികരിച്ചുവെന്ന് നടി പറയുന്നു. ഈ സംഭവത്തിനുശേഷം നിര്‍മാതാവ് തന്നെ പല സിനിമകളില്‍നിന്നും ഒഴിവാക്കിയതായും രാധിക പറയുന്നു. രജനികാന്ത് ചിത്രമായ കബാലിയില്‍ നായികവേഷത്തിലെത്തിയ നടിയാണ് രാധിക. രാധിക അഭിനയിച്ച പര്‍ഛേദ് എന്ന ചിത്രത്തിലെ നഗ്‌ന രംഗങ്ങള്‍ ഇതിനു മുന്‍പ് സോഷ്യല്‍ മീഡിയകളില്‍ നിറഞ്ഞിരുന്നു.
https://www.facebook.com/Malayalivartha
