സുന്ദരനും ആരോഗ്യവാനുമായ ഭര്‍ത്താവ് തനിക്കുണ്ട്, ബ്രാഡ്പിറ്റിനെ തട്ടിയെടുക്കേണ്ടെന്ന് ഫ്രഞ്ച് നടി മരിയന്‍ കോട്ടിലാര്‍ഡ്
ആഞ്ജലീന ജൂലി ബ്രാഡ്പിറ്റ് വേര്‍പിരിയലില്‍ തനിക്ക് ബന്ധമില്ലെന്ന് ഫ്രഞ്ച് നടി മരിയന്‍ കോട്ടിലാര്‍ഡ്. തനിക്ക് സ്‌നേഹമുള്ളതും സുന്ദരനുമായ ഒരു ഭര്‍ത്താവ് കൂടെയുണ്ടെന്നും അയാളുടെ രണ്ടാമത്തെ കുട്ടിയെ താന്‍ ഗര്‍ഭം ധരിച്ചിരിക്കുകയാണെന്നും താരം ഇന്‍സ്റ്റാഗ്രാമിലൂടെ നല്‍കിയ മറുപടിയില്‍ വ്യക്തമാക്കി. പിരിയാന്‍ കാരണം പുതിയ നായിക കോട്ടിലാര്‍ഡുമായുള്ള പിറ്റിന്റെ രഹസ്യബന്ധം ആഞ്ജലീന കണ്ടുപിടിച്ചതിനെ തുടര്‍ന്നാണെന്ന വാര്‍ത്ത പുറത്തുവന്ന് 24 മണിക്കൂറിന് മുമ്ബായി തന്നെ താരം സുദീര്‍ഘമായ മറുപടിയുമായി ഇന്‍സ്റ്റാഗ്രാമിലെത്തി.
സാധാരണഗതിയില്‍ താന്‍ ഇതുപോലുള്ള കാര്യങ്ങള്‍ക്ക് മറുപടി പറയാറോ അതിനെ ഗൗരവമായി എടുക്കുകയോ ചെയ്യാറുള്ളതല്ല.
എന്നാല്‍ താന്‍ സ്‌നേഹിക്കുന്ന ആള്‍ക്കാരെ കൂടി ബാധിക്കുന്ന പ്രശ്‌നമായതിനാലാണ് മറുപടി പറയുന്നതെന്നും താരം പറഞ്ഞു. എട്ടു വര്‍ഷമായി കൂടെയുള്ള ഗ്വില്ലൗമേ കാനറ്റ് തന്നെയാണ് തന്റെ പങ്കാളിയെന്നും തന്റെ പിറന്ന മകന്റെയും പിറക്കാന്‍ പോകുന്ന കുട്ടിയുടെയും പിതാവാണ് അദ്ദേഹമെന്നും താരം പറഞ്ഞു. വര്‍ഷങ്ങള്‍ക്ക് മുമ്ബാണ് കണ്ടുമുട്ടിയ തന്റെ ജീവിതത്തിലേക്ക് വന്ന അദ്ദേഹമാണ് തന്റെ പ്രണയവും ഏറ്റവും അടുത്ത സുഹൃത്തും. തനിക്ക് അത് മാത്രം മതിയെന്നും പറഞ്ഞിട്ടുണ്ട്.
താന്‍ ഹതാശയാണെന്ന് ചൂണ്ടിക്കാട്ടിയവര്‍ക്ക് നന്ദി പറയുന്നതായും ഇത്തരം സൃഷ്ടിപരമായ പരദൂഷണങ്ങള്‍ തന്നെ ബാധിക്കാറില്ലെന്നും പറഞ്ഞിട്ടുണ്ട്.
ബ്രാഡിനും ആഞ്ജലീനയ്ക്കും എല്ലാ വിധ നന്മ നേര്‍ന്നുകൊണ്ട് അവസാനിപ്പിച്ചിരിക്കുന്ന സന്ദേശത്തില്‍ പുറത്തിറങ്ങാനിരിക്കുന്ന തന്റെ പുതിയ സിനിമ അലൈഡിലെ ബ്രാഡ്പിറ്റുമായുള്ള തന്റെ കിടപ്പറ രംഗം നല്ല രസതന്ത്രത്തിലുള്ളതും കാണികളെ ഉത്തേജിപ്പിക്കുന്നതുമായിരിക്കട്ടെയെന്നും വ്യക്തമാക്കിയിട്ടുണ്ട്. ഒരു ഇന്‍ഫര്‍മേഷന്‍ ഓഫീസറും ഫ്രഞ്ച് സൈനികനുമായിട്ടാണ് ഇരുവരും സിനിമയില്‍ വേഷമിടുന്നത്.
https://www.facebook.com/Malayalivartha
