മലയാളം സിനിമയില്‍ അഭിനയിക്കണമെന്ന ആഗ്രഹവുമായി തെന്നിന്ത്യന്‍ താരം തമന്ന. റിയലസ്റ്റിക് ചിത്രങ്ങളാണ് മലയാളത്തില്‍ ഉള്ളത്. എത്ര വിചിത്രവും വ്യത്യസ്തവുമായ വേഷമായാലും മലയാളത്തില്‍ അഭിനയിക്കാന്‍ ഞാന്‍ റെഡിയാണ്.

പോലീസ് വേഷമാണെങ്കില്‍ പോലും ചെയ്യാന്‍ തയ്യാറാണ്. ഇപ്പോള്‍ കൈ നിറയെ ചിത്രങ്ങളുണ്ട്. പുതിയ ഭാഷയിലേയ്ക്ക് വരുമ്പോള്‍ കുറച്ചു കൂടി തയ്യാറാകണം. അതിനാല്‍ കൂടുതല്‍ ശ്രദ്ധയും സമയവും കൊടുക്കാന്‍ കഴിയുമ്പോള്‍ മാത്രമേ മലയാളത്തിലേയ്ക്ക് വരൂ.

മലയാളത്തില്‍ നിന്ന് അഭിനയ സാധ്യതയുള്ള വേഷം ലഭിക്കുമെന്ന് എനിക്ക് ഉറപ്പുണ്ടെന്നും താരം പറയുന്നു. ദിലീപിന്റെ നായികയായി തമന്ന എത്തുന്നു എന്ന തരത്തിലുള്ള വാര്‍ത്തകള്‍ പ്രചരിച്ചിരുന്നു. എന്നാല്‍ ഇതിനെതിരെ തമന്ന തന്നെ രംഗത്തെത്തിയിരുന്നു.