കഴിഞ്ഞ ദിവസം മമ്മൂട്ടിയെ പ്രകീര്‍ത്തിച്ചു കൊണ്ട് പ്രശസ്താ സിനിമാ സംവിധായകനും അഭിനേതാവുമായ പ്രതാപ് പോത്തന്‍ തന്റെ ഫെയ്സ്ബുക്കില്‍ കുറിച്ച പോസ്റ്റിനെ ദ്വയാര്‍ത്ഥം കണ്ടെത്തി സോഷ്യല്‍ മീഡിയ വഴി പ്രചരിപ്പിച്ച ദേശീയ മാധ്യമത്തിനെതിരെ പ്രതാപ് പോത്തന്‍ രംഗത്ത്. തന്റെ പോസ്റ്റില്‍ വിപരീഥാര്‍ത്ഥം കണ്ടെത്തിയ റിപ്പോര്‍ട്ടര്‍ക്കു ഒന്നുകില്‍ ഇംഗ്ലീഷ് അറിയില്ല, അല്ലെങ്കില്‍ നിങ്ങള്‍ ഇത്തരം പ്രശ്‌നങ്ങളുണ്ടാക്കാന്‍ ആഗ്രഹിക്കുന്നവരാണെന്നും പ്രതാപ് പോത്തന്‍ പ്രതികരിച്ചു. ആരോട് ചോദിച്ചാലും മമ്മൂട്ടിയാണ് ലോകത്തെ മികച്ച നടനെന്ന് തന്നെ മറുപടി കിട്ടുമെന്നും പ്രതാപ് പോത്തന്‍ തനറെ ഫെയ്സ് ബുക്കില്‍ കഴിഞ്ഞ ദിവസം കുറിച്ചതിനെയാണ് സോഷ്യല്‍ മീഡിയയില്‍ വളച്ചൊടിച്ച് വാര്‍ത്ത നല്‍കിയത്. തന്റെ മറ്റൊരു പോസ്റ്റില്‍ ഒരു ആരാധകന്‍ തന്നെയാണ് വാര്‍ത്ത കമന്റ് ചെയ്തത്. മമ്മൂട്ടിയെ പ്രശംസിച്ചു പറഞ്ഞത് മാധ്യമം വിപരീതാര്‍ത്ഥത്തില്‍ കൊടുക്കുകയായിരുന്നു. ഇതിനു മറുപടിയായിട്ടാണ് പ്രതാപ് പോത്തന്‍ റിപ്പോര്‍ട്ടറോട് പ്രതികരിച്ചത്.

ലോകത്ത് ആരോട് ചോദിച്ചാലും മമ്മൂട്ടിയാണ് ലോകത്തെ മികച്ച നടനെന്ന് തന്നെ മറുപടി കിട്ടുമെന്നും പ്രതാപ് പോത്തന്‍ പരിഹസിക്കുന്നുണ്ട്. ബോളിവുഡ് താരങ്ങളോട് ചോദിച്ചാല്‍ വരെ മമ്മൂട്ടിയാണ് മികച്ച നടനെന്ന ഉത്തരമാണ് ലഭിക്കുക. താന്‍ കണ്ടതില്‍ മമ്മൂട്ടിയാണ് ലോകത്തെ മികച്ച നടന്‍. അദ്ദേഹത്തിന്റെ മകനാണ് രണ്ടാമത്തെ മികച്ച നടന്‍. ഇത് ഞാന്‍ എപ്പോഴും കേള്‍ക്കുന്നതാണ്. ഹോളിവുഡ് താരങ്ങളായ റോബര്‍ട്ട് ഡി നീറോ, ജാക്ക് നിക്കോള്‍സന്‍ എന്നിവരും ഇത് തന്നെയാണ് പറയുന്നതെന്നും പ്രതാപ് പോത്തന്‍ കുറിക്കുന്നു.

മമ്മൂട്ടി മഹാനായ നടന്‍ മാത്രമല്ല. തറവാടിത്തവും സമ്പത്തും ഉള്ളയാളും കൂടിയാണ്. ഇതിലും കൂടുതല്‍ ഒരാള്‍ക്ക് മറ്റെന്താണ് വേണ്ടത്. ജയ് ഹോ മമ്മൂട്ടി. നിങ്ങളാണ് മഹാന്‍. എല്ലാവരും ആഗ്രഹിക്കുന്നത് നിങ്ങളെ പോലെ ആകാനാണെന്നും പ്രതാപ് പോത്തന്‍ തന്റെ ഫെയ്സ് ബുക്കില്‍ കുറിച്ചിരുന്നു. കാറും നിറയെ പണവും ഉള്ള താങ്കള്‍ കേരളത്തില്‍ മറ്റ് ആരേക്കാളും മികച്ചു നില്‍ക്കുന്നെന്നും താങ്കളുടെ പരിജ്ഞാനം അടുത്ത താങ്കളെ അടുത്ത മുഖ്യമന്ത്രി വരെ ആകുമെന്നും കുറിച്ചിരുന്നു. ഇതിനീയാണ് സോഷ്യല്‍ മീഡിയയില്‍ വളച്ചൊടിച്ച് മാധ്യമം വാര്‍ത്ത നല്‍കിയത്.