സൗന്ദര്യ-ധനുഷ് ചിത്രത്തില് പ്രണവ് മോഹന്ലാല്?
ജിത്തു ജോസഫ് ചിത്രത്തിലൂടെ മലയാളത്തില് നായകനായി പ്രണവ് മോഹന്ലാല് അരങ്ങേറ്റം കുറിക്കുന്നുവെന്ന വാര്ത്ത മലയാള സിനിമാലോകം വളരെ ആവേശത്തോടെയാണ് സ്വീകരിച്ചത്. രാജകുമാരന്റെ ആഗമനം എന്നു പോലും താരപുത്രന്റെ വരവിനെ പലരും വിശേഷിപ്പിച്ചു.
ഇപ്പോഴിതാ അദ്ദേഹത്തിനെ പറ്റി മറ്റൊരു വാര്ത്ത കൂടി പുറത്തുവരുന്നു. കേള്ക്കുന്നത് ശരിയാണെങ്കില് ധനുഷ് തിരക്കഥയൊരുക്കി രജനികാന്തിന്റെ മകള് സൗന്ദര്യ സംവിധാനം ചെയ്യുന്ന ചിത്രത്തിലൂടെ തമിഴ് സിനിമാ ലോകത്തേയ്ക്കും ചുവടുവയ്ക്കാന് തയാറാവുകയാണ് പ്രണവ്. അതും നായക പരിവേഷത്തില് തന്നെ. തമിഴിലെ വമ്പന് നിര്മ്മാതാവായ കലൈപുലി എസ്. താണു ചിത്രം നിര്മ്മിക്കുമെന്നതായാണ് വാര്ത്തകള് പുറത്തുവരുന്നത്.
ഇവര് എല്ലാവരും ഒരുമിക്കുകയാണെങ്കില് തമിഴിലെ സൂപ്പര് ഡ്യൂപ്പര് ഹിറ്റാവും സിനിമ എന്ന കാര്യത്തില് യാതൊരു തര്ക്കവുമില്ല. പക്ഷേ ഈ കാര്യത്തെക്കുറിച്ച ധനുഷോ സൗന്ദര്യയോ പ്രതികരിക്കാന് തയാറായിട്ടില്ല. ഇവരുമായി ബന്ധപ്പെട്ട അടുത്ത വൃത്തങ്ങളാണ് ഈ കാര്യം പുറത്തുവിട്ടത്. ഏതായാലും വിവാഹമോചനത്തെ തുടര്ന്ന് സിനിമയില് കൂടുതല് ശ്രദ്ധ കേന്ദ്രീകരിക്കാന് ഒരുങ്ങുകയാണ് രജനീകാന്തിന്റെ മകളും സംവിധായികയുമായ സൗന്ദര്യ രജനീകാന്ത്.
https://www.facebook.com/Malayalivartha
