ഒരിക്കല്‍ പ്രമുഖ ടെലിവിഷന്‍ ചാനലിലെ പരിപാടിക്കിടയില്‍ തന്റെ ആദ്യ സിനിമയായ ഋതുവിലെ മദ്യപിക്കുന്ന രംഗം ചിത്രീകരിക്കുന്നതിനായി പ്രത്യേക പരിശീലനം വേണ്ടിയിരുന്നോ എന്ന് ചോദിച്ചത് ഇപ്പോഴും ഓര്‍ത്തെടുത്ത റിമ, പാര്‍ച്ച്ഡ് എന്ന ചിത്രത്തിലെ നഗ്‌നരംഗവുമായി ബന്ധപ്പെട്ട ചോദ്യം ചോദിച്ച മാധ്യമപ്രവര്‍ത്തകന്റെ വായടപ്പിച്ച നടി രാധിക ആപ്തെയ്ക്ക് പിന്തുണയുമായി രംഗത്ത്. നടിമാര്‍ മാത്രം ഉത്തരം വിഡ്ഢി ചോദ്യങ്ങള്‍ നേരിടേണ്ടി വരുന്നത് തന്നെ ആശ്ചര്യപ്പെടുത്തുന്നുവെന്ന് പറഞ്ഞു കൊണ്ടാണ് റിമയുടെ ഫെയ്സ്ബുക്ക് പോസ്റ്റ് തുടങ്ങുന്നത്. ഒരു ടെലിവിഷന്‍ പരിപാടിയില്‍ തന്റെ ആദ്യ ചിത്രമായ റിതുവിലെ മദ്യപാന രംഗങ്ങള്‍ അഭിനയിക്കുന്നതിന് പ്രത്യേക പരിശീലനം നേടേണ്ടി വന്നോ എന്ന ചോദ്യം നേരിട്ട അനുഭവവും റിമ ഓര്‍ത്തെടുക്കുന്നു.

പാര്‍ച്ച്ഡ് എന്ന സിനിമയിലെ വിവാദരംഗങ്ങളെക്കുറിച്ച് ചോദ്യം ചോദിച്ച മാധ്യമ പ്രവര്‍ത്തകനെ രാധികാ ആപ്തെ ചുട്ട മറുപടി നല്‍കി വായയടപ്പിച്ചതിന് പിന്നാലെയാണ് റിമ രാധികയ്ക്കു പിന്തുണയുമായി രംഗത്തെത്തിയത്. നടിമാരോട് ഇതുപോലെയുള്ള ചോദ്യങ്ങള്‍ ഉന്നയിക്കുന്നവര്‍ എന്തുകൊണ്ട് നടന്‍മാരോട് ചോദിക്കുന്നില്ല. തോപ്പില്‍ ജോപ്പന്റെ പ്രമോഷന് വരുന്ന മമ്മൂട്ടിയോട് ആരെങ്കിലും ഇത്തരത്തില്‍ ചോദിക്കുമോ, ഇല്ലെന്ന് തനിക്കുറപ്പാണെന്നും റിമ തന്റെ പോസ്റ്റില്‍ കുറിക്കുന്നു. പാര്‍ച്ച്ഡ് എന്ന സിനിമയിലെ രംഗത്തെക്കുറിച്ച് മോശമായ രീതിയില്‍ ചോദ്യം ചോദിച്ച മാധ്യമപ്രവര്‍ത്തകന്റെ വായ അടപ്പിക്കുന്ന രാധികാ ആപ്തെയുടെ വീഡിയോയും റിമാ തന്റെ പോസ്റ്റിനോടൊപ്പം ഷെയര്‍ ചെയ്തിട്ടുണ്ട്.

സ്ത്രീകളെ ഒരുപാട് ആദരിക്കുന്ന നാടാണ് ഇന്ത്യയെന്നും രാധികയുടെ പ്രവര്‍ത്തി വളരെ മോശമായിപ്പോയെന്നും പറഞ്ഞ കമന്റിന് സ്ത്രീകളെ ബഹുമാനിക്കുന്നുണ്ടെങ്കില്‍ അവള്‍ ആഗ്രഹിക്കുന്ന രീതിയില്‍ ജീവിക്കാനും പ്രവര്‍ത്തിക്കാനുമുള്ള അവകാശത്തേയും ബഹുമാനിക്കണമെന്നും മറുപടി നല്‍കുന്നുണ്ട് റിമ.