മലയാള സിനിമയില് മിന്നിത്തിളങ്ങുന്ന മീന പാതി മലയാളി
ഇരുപത് വര്ഷത്തിലധികമായി മലയാള സിനിമയില് മിന്നിത്തിളങ്ങുന്ന നടി മീന പാതി മലയാളിയാണെന്ന കാര്യം അധികമാര്ക്കും അറിയില്ല. കണ്ണൂര് സ്വദേശിയാണ് അമ്മ. അച്ഛന് ആന്ധ്രാ സ്വദേശിയും. മീന ജനിച്ചതും വളര്ന്നതും മദ്രാസിലാണ്. അതുകൊണ്ട് മലയാളം പറയുമ്പോള് മറ്റ് ഭാഷകളും കടന്ന് വരും. മലയാളത്തില് ഡബ്ബ് ചെയ്യാത്തത് അതുകൊണ്ടാണെന്ന് താരം പറഞ്ഞു. കേരളവും മലയാളികളും ഏറെ ഇഷ്ടമാണ്. ദക്ഷിണേന്ത്യയിലെ എല്ലാ ആഘോഷങ്ങളും ഇഷ്ടമാണ്. കാരണം തെന്നിന്ത്യ മുഴുവന് പരന്ന് കിടക്കുകയാണ് മീനയുടെ കുടുംബം. ഭര്ത്താവ് വിദ്യാസാഗര് ഐ.ടി രംഗത്ത് ബാംഗ്ലൂരില് പ്രവര്ത്തിക്കുന്നു.
സുരേഷ് ഗോപിയുടെ മകളായിട്ടായിരുന്നു മലയാളത്തില് തുടക്കം. സ്വാന്തനം എന്ന സിനിമയില്. പിന്നീട് സുരേഷ് ഗോപിയുടെയും മോഹന്ലാലിന്റെയും ജയറാമിന്റെയും നായികയായി അഭിനയിച്ചു. ദക്ഷിണേന്ത്യയിലെ എല്ലാ സൂപ്പര് താരങ്ങളുടെയും നായികയായി അഭിനയിച്ചു. സിനിമ കാണുകയാണ് മീനയുടെ പ്രധാന ഹോബി. അത് ഏത് ഭാഷയാണെങ്കിലും വായനയും ഇഷ്ടമാണ്. തമിഴും ഇംഗ്ലീഷുമാണ് കൂടുതലും വായിക്കുന്നത്. പിന്നെ ഷോപ്പിംഗ് ഇഷ്ടമാണ്. യാത്രകളും. വിമാനയാത്രകള് ഏറെ ഇഷ്ടം. ഇപ്പോള് സെറ്റുകളില് നിന്ന് ചെന്നൈയിലേക്കുള്ള വിമാനയാത്രയാണ് ഏറെ ഇഷ്ടം. അവിടെയെത്തിയാല് മകള് നൈനിക ഉണ്ടല്ലോ.
വിവാഹ ശേഷമാണ് ജീവിതം മാറിത്തുടങ്ങിയതെന്ന് മീന പറയുന്നു. ഞാന് എന്ന ചിന്ത മാറി. ഞങ്ങളെന്നായി. ഭര്ത്താവിന്റെ ഇഷ്ടങ്ങള്, ഒന്നിച്ചുള്ള സമയം, യാത്രകള്, മോളുടെ ഇഷ്ടങ്ങള് ഇതൊക്കെ കൂടി കുറച്ച് കാലം കുടുംബത്തിനൊപ്പം ചെലവഴിക്കാനായി. ആ സമയങ്ങളില് ടി.വി ഷോകളില് മാത്രമാണ് പങ്കെടുത്തിരുന്നത്. അവതാരിക എന്നതിലുപരി നല്ലൊരു മോഡലും നര്ത്തകിയും ഗായികയുമാണ് മീന. ദൃശ്യത്തിന് ശേഷം മോഹന്ലാലുമൊത്ത് അഭിനയിക്കുന്ന ത്രില്ലിലാണ് താരം.
https://www.facebook.com/Malayalivartha
