ഫഹദ്ഫാസില് സിദ്ധിഖിനെ പറ്റിച്ചത് ഒരു വര്ഷം; ഒടുവില് ജയസൂര്യ നായകനായി
സിദ്ധിഖ് ചിത്രത്തില് അഭിനയിക്കാമെന്ന് പറഞ്ഞ് ഫഹദ് ഫാസില് നടന്നത് ഒരു വര്ഷം. ഒടുവില് താരം അഭിനയിക്കില്ലെന്ന് മനസിലാക്കിയ സിദ്ധിഖ് ജയസൂര്യയെ നായകനാക്കി. ഫുക്രി എന്ന ചിത്രം കൊച്ചിയില് തുടങ്ങി. പിതാവ് ഫാസിലിന്റെ ശിഷ്യനായ സിദ്ധിഖിന്റെ ചിത്രത്തില് അഭിനയിക്കാന് ഫഹദിന് താല്പര്യമില്ലായിരുന്നു. എങ്കിലും സിദ്ധിഖിന്റെ നിര്ബന്ധത്തിന് വഴങ്ങി പാതി സമ്മതം മൂളി. എന്നാല് ഒരു വര്ഷം പിന്നിട്ടിട്ടും താരം ഡേറ്റ് നല്കിയില്ല. പലപ്പോഴും സിദ്ധിഖ് വിളിച്ചിട്ട് ഫോണും എടുത്തില്ല. അതോടെയാണ് ഫഹദിനെ മാറ്റാന് സിദ്ധിഖ് തീരുമാനിച്ചത്. എന്തായാലും അതോടെ ജയസൂര്യയുടെ ദീര്ഘകാലത്തെ ആഗ്രഹം നടന്നു.
സിദ്ധിഖ് മാത്രമല്ല, മലയാളത്തിലെ പല സീനിയര് സംവിധായകര്ക്കൊപ്പവും അഭിനയിക്കാന് ഫഹദിന് താല്പര്യമില്ല. മുമ്പ് കമല് ഫഹദിനെ നായകനാക്കി സിനിമ ചെയ്യാന് ഒരു വര്ഷത്തോളം നടന്നിരുന്നു. അതിന്റെ തുടക്കത്തിലേ ഫഹദ് തന്റെ സുഹൃത്തുക്കളോട് പറഞ്ഞിരുന്നു, ഈ സിനിമ നടക്കില്ലെന്ന്. ഒടുവില് അത് സംഭവിച്ചു. എന്നാല് സത്യന് അന്തിക്കാടിന്റെ സിനിമകളില് അഭിനയിക്കാന് ഫഹദ് അടക്കമുള്ള യുവതാരങ്ങള്ക്ക് ഇഷ്ടമാണ്. കാരണം സത്യന് അന്തിക്കാടിന്റെ സമീപനം അതുപോലെയാണ്. മാര്ത്താണ്ഡനും ദിലീഷ് പോത്തനും മാത്രമാണ് ഫഹദ് ഡേറ്റ് കൊടുത്തിരിക്കുന്നത്. ഫഹദ് ഫാസിലിന്റെ കാര്യം പല സുഹൃത്തുക്കളും ചോദിച്ചപ്പോള് സിദ്ധിഖ് ചിരിക്കുക മാത്രമാണ് ചെയ്തത്. അതേ കുറിച്ച് പ്രതികരിച്ചിട്ട് കാര്യമില്ലെന്നും സിദ്ധിഖ് പറയുന്നു.
https://www.facebook.com/Malayalivartha
