അകക്കണ്ണിന്റെ വെളിച്ചത്തില് ഇഷ്ടതാരത്തെ കാണാനെത്തിയ കുരുന്നുകളുടെ ആഗ്രഹം നിറവേറ്റി ലാലേട്ടന്
കോഴിക്കോട് മുന്തിരിവള്ളികള് തളിര്ക്കുമ്പോള് എന്ന ചിത്രത്തിന്റെ ഷൂട്ടിംഗ് ലൊക്കേഷനിലാണ് സംഭവം. കാഴ്ചയില്ലാത്ത രണ്ടു മക്കള് മോഹന്ലാലിനെ കാണാന്, ഒന്നു തൊടാന് ആഗ്രഹം പറഞ്ഞപ്പോള് എത്തിയതായിരുന്നു ആ അമ്മ. സൂപ്പര് താരത്തെ കാണാന് ലൊക്കേഷനിലെത്തിയ നിരവധി പേര്ക്കൊപ്പമാണ് കാഴ്ചയില്ലാത്ത രണ്ടു കുഞ്ഞുങ്ങളേയും കൂട്ടി ഒരു അമ്മയുമെത്തിയത്.
സൂപ്പര്താരത്തെ കാണാനെത്തിയ ആരാധകക്കൂട്ടത്തിനിടയില് എന്തു ചെയ്യണമെന്നറിയാതെ ഉഴലുമ്പോള് അതാ താരം നേരിട്ട് വന്നു. മക്കളെ കണ്ടു. തൊട്ടു. നെറ്റിയില് ഉമ്മ വച്ചു. അകക്കണ്ണിന്റെ വെളിച്ചത്തില് ഇഷ്ടതാരത്തെ കാണാനെത്തിയ കുരുന്നുകള്ക്ക് അങ്ങനെ ആഗ്രഹസാഫല്യം. കാഴ്ച ശക്തിയില്ലാത്ത കുട്ടികളുടെ അടുത്തെത്തി ഉമ്മയും സമ്മാനിച്ച് സന്തോഷിപ്പിച്ച് കുട്ടികളെ മടക്കി അയച്ചു.
ആരാധകരുടെ തള്ളിക്കയറ്റത്തിനിടയില് പ്രിയതാരത്തിന്റെ അടുത്ത് തന്റെ മക്കളെ എങ്ങനെ എത്തിക്കുമെന്നായി അമ്മയുടെ പിന്നീടുള്ള വിഷമം.
എന്നാല് ഈ വിവരം ആരോ പറഞ്ഞറിഞ്ഞ മോഹന്ലാല് നേരിട്ട് കുട്ടികളുടെ അടുത്തെത്തി. കാണാന് പറ്റാത്തതിനാല് മോഹന്ലാലിനെ തൊട്ടുനോക്കണമെന്നായി കുട്ടികള്ക്ക്. തൊട്ടപ്പോള് നെറ്റിയില് ഉമ്മ വെയ്ക്കണമെന്നായി. അതിനും താരം സമ്മതിച്ചു. ഒടുവില് കുട്ടികളുടെ കവിളിലും നെറ്റിയിലും ഉമ്മയും കൊടുത്താണ് മോഹന്ലാല് മടങ്ങിയത്.
https://www.facebook.com/Malayalivartha
