വിവാഹശേഷം അഭിനയം നിര്ത്തും: കാജല് അഗര്വാള്
തെന്നിന്ത്യയിലെ സൂപ്പര്താരം കാജല് അഗര്വാള് വിവാഹ ശേഷം അഭിനയം മതിയാക്കുമെന്ന് വെളിപ്പെടുത്തി. ഒരു തമിഴ് പത്രത്തിന് നല്കിയ അഭിമുഖത്തിലാണ് ഇക്കാര്യം പറഞ്ഞത്. മാതാപിതാക്കള് വരനെ അന്വേഷിച്ച് തുടങ്ങി. താരത്തിന്റെ ഇഷ്ടം കൂടി നോക്കിയ ശേഷമേ ഇക്കാര്യത്തില് അന്തിമ തീരുമാനം ഉണ്ടാകൂ. വിവാഹം കഴിഞ്ഞാല് ഉത്തരവാദിത്വം കൂടും. കുട്ടികളെയും ഭര്ത്താവിനെയും ശ്രദ്ധിക്കണം. അതിനാല് അഭിനയവും കുടുംബജീവിതവും ഒരുമിച്ച് കൊണ്ടുപോകാനൊക്കില്ല. ഭര്ത്താവ് എത്തരത്തിലുളള ആളാണെന്ന് അറിയില്ല, അദ്ദേഹത്തിന്റെ പ്രൊഫഷന് അതിനനുസരിച്ചുള്ള കാര്യങ്ങള് തനിക്ക് ചെയ്യണമെന്നും താരം പറഞ്ഞു.
അതേസമയം അടുത്ത കാലത്ത് അമലാപോളിന്റെയും തൃഷയുടെയും മറ്റും കുടുംബജീവിതത്തിലുണ്ടായ തകര്ച്ചയാണ് താരത്തെ ഇത്തരത്തില് ചിന്തിക്കാന് പ്രേരിപ്പിച്ചതെന്ന് അറിയുന്നു. വിവാഹനിശ്ചയം കഴിഞ്ഞാണ് തൃഷയുടെ ബന്ധം തകര്ന്നത്. അഭിനയമാണ് അമലാപോളിന്റെ ജീവിതം തകര്ത്തത്. പ്രണയത്തകര്ച്ചയില് നിന്ന് നയന്താര കരകയറി വരുന്നതേയുള്ളൂ. അതിനാല് പ്രണയത്തിനൊന്നും കാജലിന് താല്പര്യമില്ല. വീട്ടുകാരുടെ സമ്മതത്തോടെയുള്ള ഉറച്ചബന്ധം മതി. അതേസമയം ചിരഞ്ചീവിയുടെ 150ാം ചിത്രത്തില് കാജലിനെ നായികയായി നറുക്ക് വീണു. നയന്താര, അനുഷ്ക എന്നിവരെയും പരിഗണിച്ചിരുന്നു.
അതേസമയം ചിരഞ്ചീവി ചിത്രം സൂപ്പര്ഹിറ്റായാല് താരത്തിന്റെ വിവാഹം നീളും. ഇപ്പോള് ബോളിവുഡില് ഉള്പ്പെടെ തിളങ്ങുന്ന താരത്തിന്റെ ഡേറ്റിനായി പല സംവിധായകരും മുന്നിര താരങ്ങളും കാത്തിരിക്കുകയാണ്. തനിക്ക് വരുന്ന ചില ഓഫറുകളില് താരം അനുജത്തി നിഷ അഗര്വാളിനെ പരിഗണിക്കണമെന്ന് കാജല് അഭ്യര്ത്ഥിക്കുന്നതായും വാര്ത്തകളുണ്ട്. എന്തായാലും എന്ത് സംഭവിക്കുമെന്ന് കാത്തിരിക്കുകയാണ് തെന്നിന്ത്യന് സിനിമാ ലോകം.
https://www.facebook.com/Malayalivartha
