സീനിയര്‍ താരങ്ങള്‍ക്കൊപ്പം ജയസൂര്യ അഭിനയിക്കില്ല; ബിജു മേനോനും മഞ്ജു വാര്യറും വെട്ടിലായി
സീനിയര്‍ താരങ്ങള്‍ക്കൊപ്പം ജയസൂര്യയ്ക്ക് അഭിനയിക്കാന്‍ താല്‍പര്യമില്ല. അടുത്തിടെ ബിജുമേനോനൊപ്പം ഒരു ചിത്രത്തില്‍ അഭിനയിക്കാമെന്ന് പറഞ്ഞ ജയസൂര്യ പിന്നീട് അഡ്വാന്‍സ് മടക്കിക്കൊടുത്തു. ഇതോടെ ബിജുമേനോന്‍ രണ്ട് മാസം വീട്ടില്‍ ഇരിക്കേണ്ടി വന്നു. ആന്റണി സോണി സംവിധാനം ചെയ്യുന്ന സൈരബാനു എന്ന ചിത്രത്തില്‍ ജയസൂര്യയെയും മഞ്ജുവാര്യരെയുമാണ് തീരുമാനിച്ചിരുന്നത്.
എന്നാല്‍ മഞ്ജുവാര്യര്‍ക്ക് കൂടുതല്‍ പ്രാധാന്യമുണ്ടെന്ന് അറിഞ്ഞ് ജയസൂര്യ തലയൂരി. അങ്ങനെ കഥാപാത്രത്തെ തിരക്കഥാകൃത്തുക്കളും സംവിധായകരും മാറ്റിമറിച്ച് വനിതയാക്കി. അമലയാണ് ഇപ്പോഴീ കഥാപാത്രം ചെയ്യുന്നത്.
അജുവര്‍ഗീസ്, നീരജ് മാധവ്, തുടങ്ങിയ ജൂനിയര്‍ താരങ്ങള്‍ക്ക് ഒപ്പം മാത്രമേ ജയസൂര്യ അഭിനയിക്കൂ. അല്ലെങ്കില്‍ പൃഥ്വിരാജ്, ഇന്ദ്രജിത്ത് തുടങ്ങിയ സമകാലികര്‍ക്കൊപ്പം തുല്യമായ വേഷം വേണം. പണ്ട് മമ്മൂട്ടിക്ക് ഒപ്പം സഹനടനായി അഭിനയിച്ചെങ്കിലും ഇപ്പോഴതിന് തയ്യാറല്ല. നായകനടനായി മാത്രമേ അഭിനയിക്കൂ. അതില്‍ ആരും കുറ്റം പറയുന്നില്ല.
എന്നാല്‍ തന്റെ സിനിമയില്‍ സീനിയറായ താരങ്ങളുടെ കൂടെ അഭിനയിക്കില്ല എന്ന് വാശിപിടിക്കുന്നത് എന്തിനാണെന്ന് മനസിലാകുന്നില്ലെന്ന് പലരും ചോദിക്കുന്നു. സിദ്ധിഖിന്റെ ഫുക്രിയില്‍ ജയസൂര്യയാണ് നായകന്‍ അതിലും തന്റെ ജൂനിയറായ ആര്‍ട്ടിസ്റ്റുകളെയാണ് കാസ്റ്റ് ചെയ്തിരിക്കുന്നത്.
https://www.facebook.com/Malayalivartha
