പിറന്നാള് ഗംഭീരമാക്കി അമലാപോള്; പക്ഷെ ഊഞ്ഞാലിന് നിന്നുള്ള ഈ വീഴ്ച അടുത്ത പിറന്നാളിനും ഓര്ക്കും
തമിഴ് സംവിധയകന് എ.എല് വിജയ്യുമായുള്ള വേര്പിരിയലിനു ശേഷമുള്ള തന്റെ ആദ്യത്തെ പിറന്നാള് തെന്നിന്ത്യന് താരം അമലാ പോള് ആഘോഷിച്ചത് മലേഷ്യയിലാണ്.സഹോദരന് അഭിജിത്തിനും സുഹൃത്തുക്കള്ക്കും ഒപ്പമായിരുന്നു ആഘോഷം.
പ്ലസ് ടു വിദ്യാഭ്യാസത്തിന് ശേഷം എഞ്ചിനീയറിങ്ങിന് ചേരാന് തയ്യാറെടുത്തു കൊണ്ടിരിക്കുന്ന സമയത്താണ് സംവിധായകന് ലാല് ജോസ് അമലയെ തന്റെ നീലത്താമര എന്ന സിനിമയില് അഭിനയിക്കാന് ക്ഷണിക്കുന്നത്. നീലത്താമര വിജയമായെങ്കിലും അമലയ്ക്ക് പിന്നീട് നല്ല അവസരങ്ങള് ഒന്നും അത് കൊണ്ടു വന്നില്ല. പിന്നീട് തമിഴില് ചെറിയ വേഷങ്ങള് ചെയ്തെങ്കിലും ശ്രദ്ധിക്കപ്പെട്ടില്ല. സാമിയുടെ വിവാദചിത്രമായ സിന്ധു സമവേലി (2010) എന്ന ചിത്രത്തില് അഭിനയിച്ചതോടെ അമല അറിയപ്പെട്ടു തുടങ്ങി. പിന്നീട് മൈന എന്ന സിനിമയിലൂടെ മുന് നിരയിലേയ്ക്ക് എത്തുകയും ചെയ്തു. മൈന ഒട്ടേറെ പുരസ്കാരങ്ങള് നേടി.
2011 ഇല് ഇത് നമ്മുടെ കഥ എന്ന മലയാളം സിനിമയില് അഭിനയിച്ചു. തുടര്ന്ന് വികടകവി എന്ന തമിഴ് സിനിമയിലും. കുറഞ്ഞ ബഡ്ജറ്റിലുള്ള ഈ സിനിമകള് ശ്രദ്ധിക്കപ്പെട്ടില്ല. ശേഷം വിക്രം നായകനായ ദൈവതിരുമകള് എന്ന ചിത്രത്തില് അഭിനയിച്ചു. തെലുങ്കില് രാം ഗോപാല് വര്മ്മയുടെ ബേജവാദായില് വേഷം ചെയ്ത് തെലുഗു സിനിമാ ലോകത്ത് പേരെടുത്തു.
മലയാളത്തിലും ശ്രദ്ധേയ വേഷം ചെയ്ത അമലയുടെ വിവാഹവും വിവാഹ മോചനവും ഏറെ ചര്ച്ചചെയ്തിരുന്നു. ഇതിനിടയ്ക്കാണ് അമലയുടെ പിറന്നാളാഘോഷം. മലേഷ്യയിലെ ഒരു റിസോര്ട്ടില് ഊഞ്ഞാലാടുന്നതിനിടെ താഴെയുള്ള കുളത്തിലേക്ക് എടുത്ത് ചാടുന്ന അമലയുടെ വീഡിയോ ആണ് ഇപ്പോള് വൈറലായിരിക്കുന്നത്.
https://www.facebook.com/Malayalivartha
