കളിക്കാന് വന്ന ലിബര്ട്ടി ബഷീറിനെ ദിലീപ് കളി പഠിപ്പിച്ചു; സിനിമാ ബന്ധം ഉപേക്ഷിച്ച് കണ്ണീരോടെ ബഷീറും സംഘവും മറ്റ് ജോലി തേടുന്നു
മലയാളസിനിമയെ പ്രതിസന്ധിയിലാക്കിയ സിനിമാസമരത്തിന് മുന്നിരയില് നിന്ന ലിബര്ട്ടി ബഷീര് ജീവിക്കാനുള്ള നെട്ടോട്ടത്തിലാണ്. സിനിമാക്കാരെ എല്ലാവരേയും വെള്ളം കുടുപ്പിച്ച ബഷീര് ഇപ്പോള് ശരിക്കും വെള്ളം കുടിക്കുകയാണ്. ഇടയ്ക്ക് തകര്ത്തോടിയ നീല ചിത്രങ്ങള് ഓടിച്ചെങ്കിലും അതും കാര്യമായി ഏറ്റില്ല. ജനങ്ങള്ക്ക് എല്ലാം മൊബൈലില് കാണാമെന്നിരിക്കേയാണ് ബഷീറിന്റെ ഈ അടവ് പൊളിഞ്ഞത്.
ബഷീറിന്റെ തീയറ്ററുകളില് പുതിയ റിലീസുകള് ഇല്ല. പുതിയ സംഘടനയായ ഫിലിം എക്സിബിറ്റേഴ്സ് യുണൈറ്റഡ് ഓര്ഗനൈസേഷന് ഓഫ് കേരളയുമായുള്ള എതിര്പ്പുകളെ തുടര്ന്നാണ് റിലീസ് സിനിമകള് ലഭിക്കാത്തത്. ഇതിന്റെ പിന്നീല് ദിലീപിന്റെ ബുദ്ധിയാണ്.
സമരവുമായി ബന്ധപ്പെട്ട പ്രശ്നത്തില് പുതിയ സംഘടനയിലെ ആളുകള് തന്നോട് പ്രതികാരം തീര്ക്കുകയാണെന്ന് ലിബര്ട്ടി ബഷീര് തന്നെ പറയുന്നു. പുതിയ സിനിമാസംഘടനയില് ചേരുന്ന തീയേറ്റര് ഉടമകള്ക്ക് മാത്രമേ സിനിമ ലഭിക്കൂ എന്നതാണ് ഇപ്പോഴത്തെ അവസ്ഥ. ദിലീപ് എന്ന ഒരാളുടെ തീരുമാനമല്ല അത്, മറിച്ച് ആ സംഘടനയുടേതാണ്. എനിക്ക് പുതിയ സിനിമകളൊന്നും ലഭിച്ചിട്ടില്ല. അതിനാല് ഉള്ള പടം വച്ച് കളിക്കുന്നു.
പുതിയ സിനിമകള് ലഭിച്ചില്ലെങ്കില് തീയറ്റര് മാനേജര്മാര്ക്ക് ഒന്നും സംഭവിക്കില്ല. അവര് മറ്റ് ജീവിതമാര്ഗ്ഗം കണ്ടെത്തിക്കോളും. പക്ഷേ ഇതിനെ ആശ്രയിച്ച് ജീവിക്കുന്ന തൊഴിലാളികള് കഷ്ടപ്പെടും. എന്റെ തീയറ്ററുകളില് അന്പതോളം തൊഴിലാളികള് ജോലി ചെയ്യുന്നുണ്ട്. അവര്ക്ക് ജോലി നഷ്ടപ്പെടും. അവര്ക്ക് പുതിയ ജോലി ലഭിക്കാനും ബുദ്ധിമുട്ടായിരിക്കും.
https://www.facebook.com/Malayalivartha
