നാലു വര്‍ഷം തടവും പത്തുകോടി രൂപ പിഴയും അനുഭവിക്കേണ്ടി വന്ന ശശികലയ്‌ക്കെതിരെ താരങ്ങളും രംഗത്തെത്തി. ഭയത്താല്‍ ഒന്നും പറയാതിരുന്ന താരങ്ങള്‍ പോലും ചിന്നമ്മയുടെ അറസ്റ്റോടെ രംഗത്തെത്തി. കോളിവുഡ് ഒരു ആഘോഷമാക്കി മാറ്റിയിരിക്കുകയാണ്. ചിന്നമ്മയെ ഒളിഞ്ഞും തെളിഞ്ഞും ആക്രമിക്കുന്നതാണ് താരങ്ങളുടെ കമന്റ്.

മെഗാസീരിയലുകള്‍ക്ക് വലിയൊരു മത്സരമാകുമെന്ന് രാധിക ശരത്കുമാര്‍ പറഞ്ഞു. തമിഴ്‌നാടിന് മിനിമം ഗാരണ്ടി ഉണ്ടെന്ന് സിദ്ധാര്‍ഥ് വിലയിരുത്തി. അങ്ങനെ എല്ലാത്തിനും അവസാനമായതായി ഐശ്വര്യ രാജേഷ് പറഞ്ഞു.

നമ്മുടെ കാവല്‍ മുഖ്യമന്ത്രി ഇന്ന് ഓഫീസില്‍ പോയി, എംഎല്‍എമാര്‍ക്കൊരു നിര്‍ദ്ദേശം കൊടുക്കുന്നത് എനിക്കൊന്ന് കാണണമായിരുന്നു. ഇത് പറഞ്ഞത് അരവിന്ദ് സ്വാമിയാണ്. 

ഗൗതമി ശക്തമായ നിലയിലാണ് രംഗത്തെത്തിയത്. അഴിമതിക്കേസില്‍ ശശികല ജയിലിലാകുന്നു. എന്നാല്‍ അമ്മയുടെ മരണത്തിന് കൂടി അവര്‍ ഉത്തരം പറയണം. മാത്രമല്ല ഈ രണ്ടുകേസിലും ഒരേ ശിക്ഷ നല്‍കിയാല്‍ പോര.

ഖുശ്ബുവാകട്ടെ തന്റെ സന്തോഷം മറച്ചു വച്ചില്ല. തമിഴ്‌നാട്ടില്‍ ജീവിക്കുന്ന ഒരു സ്ത്രീ എന്ന നിലയില്‍ ഞാന്‍ ഒരുപാട് സന്തോഷവതിയാണ്. എന്റെ നാട് സുരക്ഷിതമായി. വലിയ ദുരന്തത്തിന് കാരണമായേക്കാവുന്ന ഭീഷണിയില്‍ നിന്നാണ് രക്ഷപ്പെട്ടിരിക്കുന്നത്.

തമിഴ്‌നാട്ടിലെ ജനങ്ങള്‍ക്ക് നല്‍കാവുന്ന ഏറ്റവും നല്ല വാലന്റൈന്‍ സമ്മാനമാണ് സുപ്രീംകോടതി നല്‍കിയത്. ആളുകള്‍ക്ക് ഇനി ഭയമില്ലാതെ ദീര്‍ഘശ്വാസം വിടാമെന്ന് സുന്ദര്‍സി പറഞ്ഞു. ഇതൊരിക്കലും ഒരു അവസാനമല്ലെന്ന് പ്രകാശ് രാജ്. വൃത്തിയാക്കല്‍ ഇപ്പോഴാണ് ആരംഭിച്ചിരിക്കുന്നത്. ഇനിയും തുടരുവാനുണ്ട്.