ഈ സാഹസികത കണ്ടാല് ആരും വിറച്ചുപോകും
ഇന്നത്തെ യുവത്വത്തിന്റെ തരംഗമാണ് സെല്ഫി എന്നത്. എന്നാല് സെല്ഫിയെടുക്കാന് ഏതറ്റവും വരെ പോയ ഈ സുന്ദരിയുടെ സാഹസികത കണ്ടാല് ആരും വിറച്ചു പോകും. കാരണം വിക്കി ഓഡിന്റ്കോവ എന്ന 23കാരിയായ ഈ റഷ്യന് മോഡല് ദുബായിലെ ഏറ്റവും വലിയ കെട്ടിടത്തില് ഒന്നിന്റെ മുകളില് ബാല്ക്കണിയില് കയറി നിന്ന് ഒരാളുടെ കൈയില് തൂങ്ങിയാണ് ഫോട്ടോഷൂട്ട് നടത്തിയത്. 1004 അടി ഉയരത്തില് നിന്നാണ് ഈ സുന്ദരിയുടെ സാഹസിക ചിത്രമെടുക്കല്. യാതൊരു വിധത്തിലുള്ള സുരക്ഷാ ഉപകരണങ്ങളും ഉപയോഗിക്കാതെയായിരുന്നു ഇവരുടെ പ്രകടനം.
വിക്കിയുടെ ചിത്രങ്ങള് ഇപ്പോള് വൈറലായിരിക്കുകയാണ്. മറ്റൊരു റഷ്യന് മോഡലായ 23കാരി ഏന്ജെലീന നിക്കോലൗവിനെ അനുകരിച്ചാണ് വിക്കി ഇത്തരത്തില് പ്രവര്ത്തിക്കുന്നതെന്നും ഇത് അപകടകരമാണെന്നും ചില സോഷ്യല് മീഡിയ യൂസര്മാര് മുന്നറിയിപ്പേകുന്നു. അംബരചുംബികള്ക്ക് മുകളില് കയറി അപകടകരമായി സെല്ഫിയെടുക്കുന്നതില് മുന്പന്തിയില് നില്ക്കുകയും വാര്ത്തകളില് നിറയുകയും ചെയ്യുന്ന സുന്ദരിയാണ് ഏന്ജെലീന നിക്കോലൗ.
ഇത്തരത്തില് പോസ് ചെയ്യുമ്പോള് തനിക്കല്പം പേടി തോന്നിയിട്ടുണ്ടെന്നാണ് ഈ സുന്ദരി പറയുന്നത്. താന് ആ സാഹസം നിര്വഹിച്ചുവെന്ന് ഇപ്പോഴും വിശ്വസിക്കാനാവുന്നില്ലെന്നാണ് വിക്കി പറയുന്നത്. ഓരോ പ്രാവശ്യം ഈ വീഡിയോ കാണുമ്പോഴും താന് ചെറിയ തോതില് വിയര്ക്കാറുണ്ടെന്നും വിക്കി പറയുന്നു. ഇതുമായി ബന്ധപ്പെട്ട വീഡിയോ തന്റെ സോഷ്യല് മീഡിയ പേജില് വിക്കി പോസ്റ്റ് ചെയ്ത് അധികം വൈകാതെ ഇത് വൈറലാവുകയായിരുന്നു. ആരോഗ്യകരമായ ജീവിതശൈലിയുടെ ഏറ്റവും മികച്ച വക്താക്കളിലൊരാളാണ് വിക്കി. തന്റെ ഫിറ്റ്നെസ് കാത്ത് സൂക്ഷിക്കുന്നതിനെ ഗൗരവമായിട്ടാണ് കാണുന്നതെന്ന് അവര് പലവട്ടം വെളിപ്പെടുത്തിയിരുന്നു.
https://www.facebook.com/Malayalivartha
