അനുകമ്പാ പ്രകടനങ്ങളല്ല വേണ്ടത്, ക്രിമിനലുകള്ക്ക് മാതൃകാപരമായ ശിക്ഷ നല്കണമെന്ന് മോഹന്ലാല്
കത്തിച്ച മെഴുകുതിരികളുമായി നടത്തുന്ന അനുകമ്ബാ പ്രകടനങ്ങള് അവസാനിപ്പിക്കാന് സമയമായി. ഇനി ഇത്തരം ക്രൂരതകള് ചെയ്യുന്നതിനെപ്പറ്റി ഒരാളും ചിന്തിക്കാന്പോലും ധൈര്യപ്പെടാത്തവിധം നിയമവ്യവസ്ഥ ശക്തമാണെന്ന് ഉറപ്പാക്കണം.
യുവ നടി ആക്രമണത്തിന് ഇരയായ സംഭവത്തെ രൂക്ഷമായി അപലപിച്ച് നടന് മോഹന്ലാല് രംഗത്ത്. ഒരു സ്ത്രീക്കെതിരെ അതിക്രമം ഉണ്ടായി എന്നത് ഒരിക്കലും കേള്ക്കാന് ആഗ്രഹിക്കാത്ത കാര്യമാണ്. ഇത്തരം സംഭവങ്ങളില് ദുഃഖം രേഖപ്പെടുത്തിയാല് മാത്രം പോര. മൃഗങ്ങളേക്കാള് മോശമായ, ഇത്തരം പ്രവൃത്തികള് ചെയ്യുന്ന ക്രിമിനലുകള്ക്ക് മാതൃകാപരമായ ശിക്ഷ നല്കണം.
അത്തരം മനസ്സുള്ളവര്ക്ക് അതൊരു പാഠമായിരിക്കണം. എനിക്കവരെ മനുഷ്യര് എന്നുപോലും വിളിക്കാനാവില്ലെന്നും മോഹന്ലാല് ഫെയ്സ്ബുക്കില് കുറിച്ചു.
ഈ വിഷമഘട്ടത്തില് എന്റെ ഹൃദയം അവള്ക്കൊപ്പമുണ്ട്. നീതി ഒട്ടും വൈകാതിരിക്കട്ടെ. മോഹന്ലാല് കുറിച്ചു. സിനിമാരംഗത്തു നിന്നു നിരവധിയാളുകള് നടിക്ക് പിന്തുണ അറിയിച്ച് രംഗത്തെത്തിയിരുന്നു.
https://www.facebook.com/Malayalivartha
