സിനിമയ്ക്ക് വേണ്ടി എന്ത് ചെയ്യേണ്ടി വന്നാലും അത്തരം സിനിമകള് ചെയ്യില്ല:കാജല് അഗര്വാള്
നായകന്മാരെ ചുറ്റിപ്പറ്റിയുള്ള നായികാ വേഷങ്ങള് മാത്രമാണ് പലപ്പോഴും നടിമാര്ക്ക് ലഭിക്കാറുള്ളത്. അത് തന്നെ 'തുറന്ന്' കാണിക്കാന് മടിയില്ലെങ്കില് ആ പേരും പറഞ്ഞ് എത്ര കോടികള് എണ്ണി വാങ്ങാനും ചിലര് തയ്യാറാണ്. ഇത്തരം വേഷങ്ങളില് നിന്ന് രക്ഷപ്പെടാന് ചിലരെങ്കിലും ആഗ്രഹിക്കുന്നുണ്ടാവും. എന്നാല് കാജല് അഗര്വാളിനെ അക്കൂത്തില് പെടുത്തേണ്ട!
എത്രവലിയ ഗ്ലാമര് വേഷങ്ങള് ചെയ്യാനും, ഐറ്റം ഡാന്സ് ചെയ്യാനും തയ്യാറായ കാജല് അഗര്വാളിന് സ്ത്രീപക്ഷ ചിത്രങ്ങളോട് വലിയ താത്പര്യമില്ലത്രെ. കോടികള് വാഗ്ദാനം ചെയ്തിട്ടും രണ്ട് ചിത്രങ്ങള് നടി ഉപേക്ഷിച്ചു എന്നാണ് പുതിയ വാര്ത്തകള്.
പി വാസു സംവിധാനം ചെയ്യുന്ന സ്ത്രീപക്ഷ ചിത്രത്തിലേക്ക് നായികയായി കാജലിനെ വിളിച്ചിരുന്നു. 2.5 കോടി രൂപ പ്രതിഫലവും വാഗ്ദാനം ചെയ്തു. പക്ഷെ അഭിനയിക്കാന് നടി തയ്യാറായില്ലത്രെ.ബോളിവുഡിലും സാന്നിധ്യം അറിയിക്കാനുള്ള തത്രപ്പാടിലാണ് തെന്നിന്ത്യയിലെ ചില താരങ്ങള്. എന്നാല് നല്ലൊരു അവസരം ബോളിവുഡില് കിട്ടിയിട്ടും നോ എന്നായിരുന്നുവത്രെ കാജലിന്റെ പ്രതികരണം. ബോളിവുഡിലും രണ്ടര കോടി രൂപയ്ക്ക് വാഗ്ദാനം ചെയ്ത സ്ത്രീപക്ഷ ചിത്രം കാജല് നിരസിച്ചു.
ഗ്ലാമര് റോളുകള്ക്ക് കണക്ക് പറഞ്ഞ് എണ്ണി വാങ്ങുന്ന നായികമാര്ക്ക് അപൂര്വ്വമായിട്ടാണ് ഇത്തരം സ്ത്രീപക്ഷ ചിത്രങ്ങള് കിട്ടുന്നത്. നായകന് പിന്നില് നിന്ന് മാറാന് ലഭിയ്ക്കുന്ന ഓരോ അവസരവും ഉപയോഗപ്പെടുത്തുന്ന നായികമാര്ക്കിടയില് കാജലിന്റെ പ്രതികരണം ചിലരെ അതിശയിപ്പിക്കുന്നു. ആ കണക്കില് അഞ്ച് കോടിയാണ് കാജളിന് നഷ്ടം.
https://www.facebook.com/Malayalivartha