തിലകനെ വേദനിപ്പിച്ച ആ മഹാനടന് ആര്?
മലയാളത്തിന്റെ അനശ്വര നടനായിരുന്നു അന്തരിച്ച തിലകന്. അദ്ദേഹം വിട പറഞ്ഞിട്ട് ഇന്ന് അഞ്ച് വര്ഷം പിന്നിട്ടിരിക്കുകയാണ്. അവസാന നാളുകളില് സിനിമയില് നിന്നും അദ്ദേഹം കുറച്ചു നാള് മാറിനിന്നിരുന്നെങ്കിലും രഞ്ജിത് സംവിധാനം ചെയ്ത ഇന്ത്യന് റുപ്പി എന്ന ചിത്രത്തിലൂടെയാണ് തിലകന് ശക്തമായ തിരിച്ചുവരവ് നടത്തിയിരുന്നു. അദ്ദേഹം മരിച്ചിട്ട് അഞ്ച് വര്ഷം പിന്നിട്ടിരിക്കെ ഇപ്പോഴിതാ തിലകന്റെ ഓര്മ്മ ദിനത്തില് അദ്ദേഹത്തെ അനുസ്മരിച്ച് മമ്മൂട്ടി ഫേസ്ബുക്കിലിട്ട പോസ്റ്റ് ശ്രദ്ധേയമായിരിക്കുകയാണ്.
മമ്മൂട്ടിയും തിലകനും തമ്മില് പ്രശ്നങ്ങള് ഉണ്ടായിരുന്നു എന്നത് സിനിമ രംഗത്ത് പരസ്യമായ രഹസ്യമാണ്. അത് തുറന്ന് പറയുന്നതും കൂടെയാണ് മമ്മൂട്ടിയുടെ പോസ്റ്റ്. തിലകന്റെ ചിത്രത്തിനൊപ്പം സ്നേഹിച്ചും കലഹിച്ചും കടന്നുപോയ മഹാപ്രതിഭ എന്ന കുറിപ്പോടെയായിരുന്നു മമ്മൂട്ടിയുടെ പോസ്റ്റ്.
ഫേസ്ബുക്കില് മമ്മൂട്ടിയുടെ പോസ്റ്റ് പ്രത്യക്ഷപ്പെട്ടതിന് പിന്നാലെ പോസ്റ്റിനെ അനുകൂലിച്ചും പ്രതികൂലിച്ചും നിരവധി കമന്റുകളാണ് പ്രത്യക്ഷപ്പെട്ടത്. മമ്മൂട്ടിയും തിലകനും തമ്മിലുള്ള കലഹത്തെ സൂചിപ്പിക്കുന്നവയായിരുന്നു മിക്ക കമന്റുകളും.
തിലകനേപ്പോലെ മഹാനായ നടനെ വിലക്കി പണിയില്ലാതാക്കി വീട്ടില് ഇരുത്തിച്ച മാഫിയകള്ക്ക് സപ്പോര്ട്ട് ചെയ്ത നടന്മാരില് ഒരാള് എന്ന നിലയില് മമ്മൂട്ടിക്ക് ഇങ്ങനെ ഒരു പോസ്റ്റിടാന് ധാര്മികമായ അവകാശമില്ലെന്നാരുന്നു ഒരു കമന്റ്. തിലകന് കലഹിച്ചത് അനീതിയോടായിരുന്നു. ആ അനീതി ഇന്ന് കാരാഗ്രഹത്തിലും. പക്ഷെ ഒന്ന് ചോദിക്കാതെ വയ്യ, അന്ന് അങ്ങ് ഏത് പക്ഷത്തായിരുന്നു എന്ന് ഓര്ക്കുന്നുവോ? എന്നായിരുന്നു ഒരാള് പോസ്റ്റിന് താഴെ കമന്റ് ചെയ്തത്.
തിലകന് ജീവിച്ചിരുന്നപ്പോ പിന്തുണ നല്കാത്ത ആളാണ് ഇപ്പോള് ഫേസ്ബുക്കില് കുറിപ്പുമായി വന്നിരിക്കുന്നത് എന്നായിരുന്നു ഒരാളുടെ കമന്റ്. മമ്മൂട്ടിയെ അതിരൂക്ഷമായി സഭ്യമല്ലാത്ത ഭാഷയില് വിമര്ശിക്കുന്നതായിരുന്നു കമന്റ്. മമ്മൂട്ടിയെ പിന്തുണച്ചുള്ള കമന്റുകളുമുണ്ട്. മമ്മൂക്ക ആയതുകൊണ്ട് ഉള്ളത് പറഞ്ഞു, സ്നേഹിച്ചും കലഹിച്ചും പോയെന്ന്. മറ്റ് പലരും ആയിരുന്നെങ്കില് കലഹിച്ച് കുഴിച്ച് മൂടിയേനെ, എന്നായിരുന്നു ഒരു ആരാധകന്റെ കമന്റ്. ഓര്മ്മപ്പൂക്കള് എന്ന തലക്കെട്ടില് തിലകനെ അനുസ്മരിച്ച് മോഹന്ലാലും തിലകന്റെ ഒരു ചിത്രം ഫേസ്ബുക്കില് പോസ്റ്റ് ചെയ്തിരുന്നു.
https://www.facebook.com/Malayalivartha
