ഗ്ലാമര്‍ നൃത്തങ്ങളിലൂടെ പ്രേക്ഷകരുടെ ഹരമായി മാറിയ താരറാണി മലൈക്കാ അറോറ ഇടവേളയ്ക്ക് ശേഷം വീണ്ടും സിനിമാ ലോകത്തേക്ക് എത്തിയിരിക്കുകയാണ്. ഇടവേളയ്ക്ക് ശേഷം സിനിമയില്‍ താരം തിരിച്ചെത്തിയപ്പോള്‍ സിനിമയിലെ രീതികള്‍ പാടേ മാറിയെന്നാണ് താരം പറയുന്നത്. ഇപ്പോഴുള്ള സിനിമകളില്‍ പുതുമയാര്‍ന്ന ഒരുപാട് സാങ്കേതിക വിദ്യകള്‍ കടന്നുകൂടിയിട്ടുണ്ട്. മാറ്റങ്ങള്‍ ആഗ്രഹിക്കുന്ന പ്രേക്ഷകര്‍ക്ക് ഇത് നന്നേ ഇഷ്ടപ്പെടും.

സിനിമകളില്‍ എന്റെ നൃത്തം ജനം കണ്ടു രസിക്കുകയുണ്ടായി. ഇപ്പോള്‍ മറ്റുള്ളവരുടെ നൃത്തം ഞാന്‍ രസിക്കുകയാണ്. അതൊരു വലിയ സന്തോഷമായ അനുഭവമാണ്. ഇന്ത്യയില്‍നിന്നും വ്യത്യസ്തരായ നൃത്ത പ്രതിഭകള്‍ എത്തുന്നുണ്ട്. അവരില്‍ പലരുടെയും കഴിവുകള്‍ എന്നെ അത്ഭുതപ്പെടുത്താറുണ്ട്. നൃത്തം മാത്രമല്ലാതെ മറ്റു രീതിയിലുള്ള കഴിവുകള്‍ പ്രകടിപ്പിക്കാന്‍ ഈ വേദിയില്‍ അവസരം നല്‍കപ്പെടുന്നുണ്ട്. ഇതെല്ലാം കണ്ടു വിജയികളെ നിര്‍ണയിക്കുക അത്ര എളുപ്പമല്ല. എന്നെ സംബന്ധിച്ച് പറയുകയാണെങ്കില്‍ ദീപികയും ഋത്വിക് റോഷനും നന്നായി നൃത്തം ചെയ്യുന്നവരാണെന്നാണ് മലൈക്കാ പറയുന്നത്.

പ്രേക്ഷകര്‍ എപ്പോഴും ഒരേ മുഖവും ഒരേ ഭാവവും ഒരു താരത്തില്‍ നിന്നും പ്രതീക്ഷിക്കുന്നില്ല. പണ്ടു കാലങ്ങളിലായിരുന്നു അങ്ങനെയൊരു ട്രെന്റുണ്ടായിരുന്നത്. അതുകൊണ്ട് പുതുമുഖങ്ങളുടെ വരവ് അത്യന്താപേക്ഷിതമാണെന്നും താരം പറയുന്നു. സഹജമായ സൗന്ദര്യമാണ് എപ്പോഴും സുരക്ഷിതം. കൃത്രിമമായി സൗന്ദര്യം വീണ്ടെടുക്കല്‍ എപ്പോഴും അപകടം തന്നെയാണ്.

ദൈവം തന്ന സൗന്ദര്യം പോരാതെ, ലോകസുന്ദരിയാകാന്‍ ശ്രമിച്ച് ശരീരത്തില്‍ പ്ലാസ്റ്റിക്കും ലോഹവസ്തുക്കളും കുതതിനിറച്ച് ഒടുവില്‍ മാരകമായ ഒരവസ്ഥയില്‍ വിദേശ സര്‍ജന്മാരെ സന്ദര്‍ശിക്കാന്‍ പോകുന്ന ഒരവസ്ഥ ബോളിവുഡ്ഡിലുണ്ട്.

ലാമിനേഷന്‍ ചെയ്തതുപോലെ തല്‍ക്കാലം സൗന്ദര്യം തിളങ്ങും. നമുക്ക് ഏതാണ് പുകഴ് നല്‍കുന്നുവോ അത് തുടര്‍ന്ന് ചെയ്യുന്നതില്‍ എന്താണ് തെറ്റ്. ഗ്ലാമര്‍ നൃത്തം എനിക്കിഷ്ടപ്പെട്ട ഒരു ഐറ്റമാണ്. ഈ നൃത്തം കാണുന്നവര്‍ക്ക് മാത്രമല്ല, നൃത്തം ചെയ്യുന്നവര്‍ക്കും അതൊരു സന്തോഷമാണ്.