വിവാദങ്ങളില്‍ അകപ്പെട്ട ഒരു റിയാലിറ്റി ഷോയായിരുന്നു ബിഗ്‌ബോസ്. തമിഴ് സംസ്‌കാരത്തിന് യോജിച്ചതല്ല റിയാലിറ്റി ഷോയെന്ന് ആരോപിച്ച് രാഷ്ട്രീയ പ്രവര്‍ത്തകര്‍ രംഗത്തെത്തിയിരുന്നു. കമല്‍ഹാസന്‍ അവതാരകനായി എത്തിയ ഷോ നിര്‍ത്തിവെയ്ക്കണമെന്നുള്ള ആവശ്യം വരെ ഇവര്‍ ഉന്നയിച്ചിരുന്നു. പ്രേക്ഷകരുടെ ഭാഗത്ത് നിന്ന് മികച്ച സ്വീകാര്യതയാണ് ബിഗ് ബോസ് തമിഴ് പതിപ്പ് ലഭിച്ചത് .

ബിഗ് ബോസ് റിയാലിറ്റി ഷോയ്‌ക്കെതിരെ നടി റായ് ലക്ഷ്മി രംഗത്തെത്തിയിരിക്കുകയാണ്. തന്നെ കുറിച്ച് വ്യാജ വാര്‍ത്തകള്‍ പ്രചരിപ്പിക്കുന്നുവെന്നാണ് ആരോപണം. റിയാലിറ്റി ഷോയുടെ രണ്ടാം പതിപ്പില്‍ താന്‍ മത്സരാര്‍ത്ഥിയായി പങ്കെടുക്കുന്നുവെന്ന് തരത്തിലുളള വാര്‍ത്തകള്‍ പ്രചരിച്ചിരുന്നു. ഇതിനെതിരെയാണ് റായിയുടെ പ്രതികരണം. എന്തിനാണ് എന്നെക്കുറിച്ചുള്ള വ്യാജവാര്‍ത്തകള്‍ പ്രചരിപ്പിക്കുന്നതെന്ന് താരം ട്വിറ്ററിലൂടെ ചോദിച്ചു.

ഒന്നാം ഭാഗത്തിന്റെ ഗംഭീര വിജയമായിരുന്നു. ഇതിന്റെ പശ്ചാത്തലത്തില്‍ രണ്ടം സീസണ്‍ കഴിഞ്ഞ ദിവസം ഔദ്യോഗികമായി പ്രഖ്യാപിച്ചു.

ബിഗ് ബോസ് 2 സീസണിന്റെ ട്രെയിലര്‍ നടനും അവതാരകനുമായി കമല്‍ഹാസന്‍ പുറത്തുവിട്ടിരുന്നു. ഇതിനെ തുടര്‍ന്ന് റായ് ലക്ഷ്മിയ്ക്ക് ആശംസകള്‍ നേര്‍ന്ന് ആരാധകന്‍ രംഗത്തെത്തിയിരുന്നു.

റായ് ലക്ഷ്മി വിജയിക്കണമെന്നാണ് തന്റെ ആഗ്രഹമെന്നും നിങ്ങള്‍ക്ക് എല്ലാ ആശംസകളും നേരുന്നുവെന്നുമുള്ള ആരാധകന്റെ ട്വീറ്റ് ചെയ്തിരുന്നു. ഇതിന് മറുപടി യുമായിട്ടാണ് താരം ഇപ്പോള്‍ രംഗത്തെത്തിയത്.