ദുബായ് ദേ പുട്ടിൽ നടന്ന ആരാധികയുടെ പിറന്നാൾ ആഘോഷത്തിൽ അപ്രതീക്ഷിതമായി കേക്കുമായി കടന്നു വരുന്ന ദിലീപിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. കമ്മാരസംഭവത്തിന്റെ റിലീസുമായി ബന്ധപ്പെട്ട് ദുബായ്‌യിലാണ് ദിലീപ് ഇപ്പോൾ .  

കഴിഞ്ഞ ദിവസം ദുബായിൽ ദിലീപിന്റെ ഉടമസ്ഥതയിലുള്ള ദേ പുട്ടിൽ വെച്ച് ഒരു പെൺകുട്ടിയുടെ  പിറന്നാൾ ആഘോഷം നടക്കുകയായിരുന്നു. ആ സമയത്താണ് ദിലീപ് അവിടേക്ക് അപ്രതീക്ഷിതമായി കടന്നു വന്നത്. പിറന്നാൾ ആഘോഷത്തിനിടയിൽ കേക്കുമായി ദിലീപ് വരുന്നതുകണ്ടപ്പോൾ കണ്ട് നിന്നവരെല്ലാം ഞെട്ടി. പിറന്നാൾ ആഘോഷത്തിൽ സാക്ഷാൽ ദിലീപ് എത്തിയത് വിശ്വസിക്കാനാകാതെ നിൽക്കുകയായിരുന്ന പെണ്‍കുട്ടിയെയും ദൃശ്യങ്ങളിൽ കാണാം.

പിന്നീട് ദിലീപ് തന്നെ അവരുടെ കുടുംബാംഗങ്ങൾക്കെല്ലാം കേക്ക് മുറിച്ച് നൽകുകയും ചെയ്യുന്നതാണ് വീഡിയോ. ദിലീപ് ഓൺലൈൻ ഷെയർ ചെയ്തിരിക്കുന്ന വീഡിയോക്ക് നിരവധിപേരാണ് പ്രതികരണവുമായെത്തിയത്.