ജീവിതത്തിൽ സാവിത്രിക്ക് സംഭവിച്ച തെറ്റുകൾ താൻ ആവർത്തിക്കില്ലയെന്ന് കീർത്തി സുരേഷ്. പഴയകാല നടി സാവിത്രിയായി പ്രേക്ഷകർക്ക് മുന്നിലെത്തിയ കീർത്തിക്ക് തന്റെ അഭിനയ മികവുകൊണ്ട് ഏറെ പ്രശംസ പിടിച്ചു പറ്റി.

സാവിത്രിയുടെ ജീവിതകഥ പറഞ്ഞ മഹാനടിയിൽ അഭിനയിക്കുകയെന്നുവെച്ചാൽ അത്ര എളുപ്പമായിരുന്നില്ല. അവരുടെ ജീവിതം വളരെ പ്രയാസകരമായിരുന്നെന്നും കീർത്തി പറയുന്നു. ഇതിൽ നിന്നാണ് കുടുംബത്തിന്റെയും സുഹൃത്തുക്കളുടെയും വില ഞാൻ അറിയുന്നത്. കരിയറിലും ജീവിതത്തിലും ആ നടി ചെയ്‌ത തെറ്റ് ഞാൻ ആവർത്തിക്കില്ലെന്നും കീർത്തി പറഞ്ഞു.

അഭിനയിക്കും മുമ്പ് തന്നെ എനിക്ക് സാവിത്രിയെക്കുറിച്ച് അറിയാമായിരുന്നു. തെന്നിന്ത്യൻ സിനിമയിൽ അവരെക്കുറിച്ച് അറിയാത്തവർ ആരാണുള്ളത്. അവരൊരു ഇതിഹാസം തന്നെയാണ്. ആ റോൾ ലഭിച്ചതിൽ തനിക്ക് അഭിമാനമുണ്ടെന്നും കീർത്തി പറഞ്ഞു.

തെന്നിന്ത്യൻ നായിക സാവിത്രിയുടെയും ജമിനി ഗണേഷിന്റെയും കഥ പറഞ്ഞ മഹാനടി സംവിധാനം ചെയ്‌തത് നാഗ് അശ്വിനാണ്. ഇതിൽ ജമിനി ഗണേഷിന്റെ വേഷം ചെയ്‌തത് ദുൽഖറാണ്. വൈജയന്തി മൂവീസ് നിര്‍മ്മിച്ചിരിക്കുന്ന ഈ ചിത്രത്തിൽ സാമന്ത, ഭാനുപ്രിയ, പ്രകാശ് രാജ് തുടങ്ങിയവരും പ്രധാനവേഷങ്ങളിലെത്തുന്നു.
.