ഒരു മാധ്യമത്തിനു നല്‍കിയ അഭിമുഖത്തില്‍ രമേഷ് പിഷാരടിയുടെ തൃപ്പൂണിത്തുറയിലെ ഫ്‌ളാറ്റ് തനിക്ക് ഇഷ്ടമാണ് എന്ന് ആര്യ പറയുന്നു. വീടിനെക്കുറിച്ചുള്ള ഇഷ്ടങ്ങളും സ്വപ്നങ്ങളും പ്രത്യേകതയും പങ്കുവയ്ക്കുന്നതിനിടയില്‍ ആര്യ തന്റെ മനസു തുറന്നത്.

രമേഷ് പിഷാരടിയുടെ ഫ്ളാറ്റ് എനിക്ക് ഇഷ്ടമാണ്. പുള്ളി പഴയ ഓര്‍മ്മകള്‍ക്കു വേണ്ടി മാത്രം ഒരു മുറി സെറ്റ് ചെയ്തിട്ടുണ്ട്. പഴയ ടേപ്പ് റിക്കോര്‍ഡറും ഫര്‍ണിച്ചറും ഒക്കെയായി ഒരു നൊസ്റ്റാള്‍ജിക്ക് ഫീലിങ് കിട്ടുന്ന ഫ്‌ളാറ്റ്. ചിലപ്പോള്‍ കുറച്ചു കഴിഞ്ഞാല്‍ ഞാനും അത്തരം ഒരു ഫ്‌ളാറ്റ് സ്വന്തമാക്കുമായിരിക്കും. തല്‍ക്കാലം വീടു തന്നെയാണ് സ്വര്‍ഗം എന്ന ആര്യ പറയുന്നു. അവതാരക ആര്യയും അവതാരകനും സംവിധായകനുമായി രമേഷ് പിഷാരടിയും ഒന്നിച്ച് എത്തുന്ന കോമഡി പാരിപാടി ഏറെ പ്രേക്ഷക ശ്രദ്ധ നേടിരുന്നു. ഇരുവരും തമ്മിലുള്ള കെമിസ്ട്രി ആരാധകര്‍ ഏറ്റെടുക്കുകയും ചെയ്തു.

തിരുവനന്തപുരത്താണ് ആര്യയുടെ വീട്. അച്ഛന്റെ തറവാട്ടു വീട്ടിലാണ് ആര്യയും അച്ഛനും മകളും അമ്മയും അനിയത്തിയും താമസിക്കുന്നത്. നൂറു വര്‍ഷത്തോളം പഴക്കമുണ്ട് ഈ വീടിനു എന്ന് ആര്യ പറയുന്നു.