ബാഹുബലിയിലൂടെ ഏറെ ശ്രദ്ധേയനായനായകനൊപ്പം നില്‍ക്കുന്ന വില്ലനാണ് റാണ ദഗുബാട്ടി. റാണയുടെ വലതുകണ്ണിന് കാഴ്ചയില്ല എന്ന വെളിപ്പെടുത്തല്‍ ഞെട്ടലോടെയായിരുന്നു സിനിമാലോകം കേട്ടത്. ഇപ്പോഴിതാ അദ്ദേഹം തന്റെ വലുത് കണ്ണിന് ശസ്ത്രക്രിയ ചെയ്യാന്‍ ഒരുങ്ങുകയാണ്. കഴിഞ്ഞ കുറച്ച്‌ മാസങ്ങളായി വളരെയധികം വേദന സഹിക്കുകയാണ് റാണ. കണ്ണിലെ വേദന മൂലം സിനിമാ ചിത്രീകരണത്തിനും മറ്റും ഒരുപാട് ബുദ്ധിമുട്ടുകളും അനുഭവിച്ചു.

രണ്ട് വർഷങ്ങൾക്ക് മുൻപ് ഒരു ചാനലിനു നല്‍കിയ അഭിമുഖത്തിലാണ് വലതുകണ്ണിന് കാഴ്ചശക്തിയില്ലെന്ന വിവരം റാണ വെളിപ്പെടുത്തുന്നത്. ‘ഞാന്‍ ഒരു കാര്യം പറയട്ടെ എന്റെ വലതുകണ്ണിന് കാഴ്ചയില്ല. ഇടതുകണ്ണ് അടച്ചാല്‍ എനിക്ക് യാതൊന്നും കാണാനാകില്ല. ഏതോ ഒരു മഹാവ്യക്തി മരണാനന്തരം കണ്ണുകള്‍ ദാനം ചെയ്തു. എങ്കിലും കാഴ്ച്ച ലഭിച്ചില്ല.

ശാരീരികപരിമിതികളുള്ള നിരവധിപേര്‍ നമുക്ക് ചുറ്റുമുണ്ട്. അതില്‍ തളരാതെ ആത്മവിശ്വാസത്തോടെ മുമ്ബോട്ടുപോയാല്‍ വിജയം സുനിശ്ചിതമാണെന്ന് റാണ പറയുന്നു. ഒരു കണ്ണിന്റെ തകരാറ് പോലും തന്നെ അലോസരപ്പെട്ടുത്തിയിരുന്നെന്നും അന്ധരായകുഞ്ഞുങ്ങള്‍ മാതാപിതാക്കളാണ് പ്രചോദനമാകേണ്ടതെന്നും റാണ പറയുന്നു.

പക്ഷെ യഥാര്‍ത്ഥ ജീവിതത്തിലും റാണ ഹീറോ ആണ്. ആത്മവിശ്വാസമുണ്ടെങ്കില്‍ ഏത് പ്രതിസന്ധിയും മറികടന്ന് വിജയം നേടാം എന്ന് തന്റെ ജീവിതം കൊണ്ട് യാഥാര്‍ത്ഥ്യമാക്കുകയാണ് റാണാ. റാണയുടെ രക്തസമ്മര്‍ദം അധികമാണ്.

അമിതമായ രക്തസമ്മര്‍ദം പാരമ്ബര്യമായി വന്നതാണ്. അതുകൊണ്ട് തന്നെ അത് കുറയുന്നതിന് വേണ്ടി കാത്തിരിക്കുകയായിരുന്നു ഡോക്ടര്‍മാര്‍. സിനിമാചിത്രീകരണത്തില്‍ നിന്നും താല്‍ക്കാലിക ഇടവേള എടുത്ത് വിദേശത്ത് ചികിത്സ നേടാനുള്ള ഒരുക്കത്തിലാണ് റാണ. നടന്റെ അച്ഛനും നിര്‍മ്മാതാവുമായ സുരേഷ് ബാബു ഈ വിവരം സ്ഥിരീകരിച്ചു. ഇത് റാണയുടെ രണ്ടാമത്തെ ശസ്ത്രക്രിയയാണ്.