ഈ വർഷം ജനുവരി 22നായിരുന്നു നവീൻ ഭാവനയെ താലി ചാർത്തിയത്. ഏറെ നാളത്തെ പ്രണയത്തിനൊടുവിലായിരുന്നു ഇരുവരുടെയും വിവാഹം. വിവാഹ ശേഷമുള്ള ആദ്യപിറന്നാളാണ് ഭാവനയ്‌ക്ക്. ആശംസകള്‍ അറിയിക്കാന്‍ സോഷ്യല്‍ മീഡികളിലും മറ്റും ആരാധകര്‍ മത്സരിക്കുകയാണ്. മലയാളത്തിലെ ഒട്ടുമിക്ക താരങ്ങളും ഭാവനയ്‌ക്ക് ആശംസകള്‍ അറിയിക്കാന്‍ മറന്നിട്ടില്ല. കുട്ടിക്കാല ചിത്രം പങ്കിട്ടുകൊണ്ടാണ് ഭാവനയുടെ സഹോദരന്‍ ആശംസകള്‍ അറിയിച്ചത്.

തൃശൂരിൽ തിരുവമ്പാടി ക്ഷേത്രത്തിൽ അടുത്ത ബന്ധുക്കൾ മാത്രം പങ്കെടുത്ത ചടങ്ങിലായിരുന്നു ഇരുവരുടെയും താലികെട്ട് നടന്നത്. വിവാഹ ശേഷം താരം കുടുംബിനിയായി ഒതുങ്ങിക്കഴിയുമോ എന്നാണ് ആരാധകരുടെ സംശയം. എന്നാല്‍ നവീന്‍ സിനിമയില്‍ നിന്നുള്ള ആളായതുകൊണ്ടുതന്നെ താന്‍ വീണ്ടും സിനിമയില്‍ സജീവമാകുമെന്ന് ഭാവന പറഞ്ഞിരുന്നു. വിവാഹത്തിന് മുൻപ് തന്നെ താരം ഇത് വെളിപ്പെടുത്തിയിരുന്നു.