ബോളിവുഡില്‍ ഏറ്റവും കൂടുതല്‍ ആരാധകരുള്ള താരങ്ങളാണ് ദീപികയും രണ്‍വീറും. അതിനാല്‍ തന്നെ ഇവരുടെ കല്യാണത്തിനായി ആരാധകര്‍ കാത്തിരിക്കുകയാണ്. അനുഷ്‌ക വിരാട് വിവാഹത്തിനു ശേഷം അടുത്തത് ദീപിക രണ്‍വീര്‍ വിവാഹമായിരിക്കുമെന്നുളള വാര്‍ത്തകള്‍ പ്രചരിച്ചിരുന്നു. എന്നാല്‍ വിവാഹത്തിനെ കുറിച്ച് താരങ്ങള്‍ പ്രതികരിച്ചിരുന്നില്ല. ഇപ്പോഴിത വിവാഹത്തിനെ കുറിച്ചുളള കൂടുതല്‍ വെളിപ്പെടുത്തലുകള്‍ ഉണ്ടായിരിക്കുകയാണ്. ദീപികയുടെ ഭാഗത്ത് നിന്നാണ് ഇത്തവണ വിവാഹത്തെ കുറിച്ചുള്ള നീക്കമുണ്ടായിരിക്കുന്നത്.

രണ്‍വീര്‍ ദീപിക വിവാഹം ഉടനടി ഉണ്ടാകുമെന്നാണ് പുറത്തു വരുന്ന റിപ്പോര്‍ട്ട്. ദീപികയും അമ്മ ഉജ്ജലയും കഴിഞ്ഞ ദിവസം മുംബൈയിലെ ഒരു പ്രമുഖ ആഭരണ കടയില്‍ എത്തിയിരുന്നു. ഇരുവരുടേയും ചിത്രങ്ങള്‍ ക്യാമറ കണ്ണുകള്‍ ഒപ്പിയെടുത്തിട്ടുമുണ്ട്. വിവാഹത്തിനായി ആഭരണം വാങ്ങാന്‍ എത്തിയതാകുമെന്നാണ് പുറത്തു വരുന്ന വാര്‍ത്ത. അതേ സമയം വിവാഹത്തിനു വേണ്ടിയുളള മററു ഷോപ്പിങ്ങുകള്‍ താരകുടുംബം നടത്തിയെന്ന് വാര്‍ത്തകള്‍ പുറത്തു വന്നിരുന്നു.

ഇപ്പോള്‍ പുറത്തു വന്ന റിപ്പോര്‍ട്ടുകള്‍ സത്യമാണെങ്കില്‍ ദീപികരണ്‍വീര്‍ വിവാഹം ഈ വര്‍ഷം നവംബറില്‍ തന്നെയുണ്ടാകും. ജൂലൈയില്‍ വിവാഹം എന്നുള്ള വാര്‍ത്തകള്‍ പ്രചരിച്ചിരുന്നു. എന്നാല്‍ താരങ്ങള്‍ തിരക്കിലായതു കൊണ്ട് വിവാഹം നവംബറിലേയ്ക്ക് മാറ്റുകയാണെന്നുള്ള വാര്‍ത്തകള്‍ വന്നിരുന്നു. അതേസമയം വിവാഹത്തിനെ കുറിച്ചോ പോസ്‌പോണ്ട് ചെയ്തതിനെ കുറിച്ചോ ഇരു താരങ്ങളുടേയും വീട്ടുകള്‍ പ്രതികരിച്ചിട്ടില്ല.

രണ്‍വീറിന്റെ മുത്തശ്ശിയുടെ മരണത്തെ തുടര്‍ന്ന് താര വിവാഹം മാറ്റി വയ്ക്കും എന്നുള്ള വാര്‍ത്തകള്‍ പ്രചരിച്ചിരുന്നു. കുടുംബത്തിനു ബന്ധങ്ങള്‍ക്കും ഏറെ പ്രധാന്യം നല്‍കുന്ന വ്യക്തിയാണ് രണ്‍വീര്‍. കൂടാതെ മുത്തശ്ശിയുമായി താരത്തിന് വളരെ അടുത്ത ബന്ധമായിരുന്നു ഉണ്ടായിരുന്നത്. കുറച്ചു നാളുകളിലായി സുഖമില്ലാതെ കിടക്കുകയായിരുന്നു ഇവര്‍. കഴിഞ്ഞ ജനുവരിയില്‍ ദീപിക മുത്തശ്ശിയെ സന്ദര്‍ശിച്ചിരുന്നു.

കഴഞ്ഞ ആറ് വര്‍ഷമായി ദീപികയും രണ്‍വീര്‍ തമ്മില്‍ പ്രണയത്തിലാണത്രേ. വിവാഹ വാര്‍ത്തകള്‍ ചൂട് പിടിക്കുമ്‌ബോഴും പ്രണയം സ്ഥിരീകരിക്കാന്‍ ഇരു താരങ്ങളും തയ്യാറായിട്ടില്ല. പല അവസരത്തിലും താരങ്ങളോട് ഇതിനെ കുറിച്ച് ചോദിച്ചിട്ടുണ്ടെങ്കിലും നിഷേധിച്ച് ഒഴിഞ്ഞു മാറുകയാണ്. എന്നാല്‍ പ്രചരിക്കുന്ന വാര്‍ത്തകള്‍ സത്യമാകുന്ന രീതിയിലാണ് താരങ്ങളുടെ പെരുമാറ്റം. പല പൊതുപരിപാടിയിലും ഇവര്‍ ഒരുമിച്ചാണ് പ്രത്യക്ഷപ്പെടുന്നത്. എന്നിട്ടു തങ്ങള്‍ നല്ല സുഹൃത്തുക്കള്‍ മാത്രമാണെന്നുള്ള നിലപാടിലാണ് ഇവര്‍.