ഓസ്ട്രേലിയയിൽ നടന്ന സ്റ്റേജ് ഷോയിലെ മോഹൻലാലിന്റെ പാട്ടിനെതിരെ രൂക്ഷ വിമർശനം. നടിയായ പ്രയാഗ മാർട്ടിനോടൊപ്പം ‘ചന്ദ്രികയിൽ അലിയുന്നു ചന്ദ്രകാന്തം’ എന്ന ഗാനം വേദിയിൽ ആലപിച്ചപ്പോഴാണ് അമളി പുറത്തായത്. റെക്കോർഡ് ചെയ്തുവെച്ച പാട്ടിന് ചുണ്ടനക്കുകയായിരുന്നു താരം ചെയ്തതെന്നാണ് ഉയരുന്ന ആരോപണം.

പാട്ടിനൊത്ത് പ്രയാഗയുടെ എക്സ്പ്രെഷൻ ഗംഭീരമായിരുന്നു. പാട്ട് പാടേണ്ട വരി പ്രയാഗയ്ക്ക് കാണിച്ച് കൊടുക്കുന്നതിനിടെയായിരുന്നു ലാലേട്ടന് ടൈമിംഗ് തെറ്റിയതും ലാലിസമായിരുന്നു അരങ്ങേറിയതെന്നും കാണികൾക്ക് മനസിലായത്. പാട്ട് പാടിത്തുടങ്ങി ആദ്യ പല്ലവിക്കു ശേഷമായിരുന്നു സംഭവം. മോഹൻലാൽ മൈക്ക് മാറ്റി വച്ച് പാടാതിരിക്കുമ്പോൾ തന്നെ പാട്ട് ആരംഭിച്ചു.

ഉടൻ തന്നെ അദ്ദേഹം മൈക്ക് അടുപ്പിച്ച് പാടാനാരംഭിക്കുന്നുണ്ട്. ഓസ്ട്രേലിയയിലും മോഹൻലാലിന്റെ ‘ലാലിസം’ എന്നാണ് സോഷ്യൽ മീഡിയ പറയുന്നത്. എന്തിനായിരുന്നു ഈ ചതിയെന്നും ഒരുകൂട്ടം ഫാൻസ് ചോദിക്കുന്നുണ്ട്. കേരളത്തിൽ നടന്ന ദേശീയ ഗെയിംസ് ഉദ്ഘാടനത്തോടനുബന്ധിച്ച്‌ നടന്ന ലാലിസം പ്രോഗ്രാമിലും ഇങ്ങനെ സംഭവിച്ചതിനാലാണ് ഇവർ ആ പേരിട്ട് ഓസ്ട്രേലിയൻ പരിപാടിയെയും വിമർശിക്കുന്നത്.

അന്ന് 'ലാലിസ'ത്തില്‍ വന്ന പാളിച്ചകള്‍ അദ്ദേഹം തുറന്നു സമ്മതിച്ചിരുന്നു. എന്തായാലും അന്നത്തെ അനുഭവം കൊണ്ട് മോഹന്‍ലാല്‍ ഈ പണി ചെയ്യുന്നത് നിര്‍ത്തുമെന്നായിരുന്നു കരുതിയിരുന്നത്. എന്നാല്‍, ലാലേട്ടന് ഇപ്പോഴും ലാലിസത്തിന്റെ ഹാങ്ഓവര്‍ മാറിയിട്ടില്ല. ഇതിന് തെളിവായുള്ള ഒരു വീഡിയോ ഇപ്പോള്‍ സൈബര്‍ ലോകത്ത് അതിവേഗം വൈറലാകുകയാണ്.

ഓസ്ട്രലിയയില്‍ സ്റ്റേജ്ഷോയുമായി പര്യടനത്തിലാണ് മോഹന്‍ലാല്‍. ഇവിടെ പെര്‍ത്ത്, സിഡ്നി, ബ്രിസ്‌ബേന്‍, മെല്‍ബണ്‍ എന്നീ വന്‍ നഗരങ്ങളിലാണ് മോഹന്‍ലാലിന്റെ നേതൃത്വത്തില്‍ സ്റ്റേജ് ഷോകള്‍ സംഘടിപ്പിച്ചു വരികയാണ്. ഇതില്‍ പെര്‍ത്തില്‍ നടന്ന സ്റ്റേജ് ഷോയില്‍ ഗാനം ആലപിച്ചപ്പോഴാണ് മോഹന്‍ലാലിന് പിഴവു പറ്റിയത്.