മേജര് രവിയുമായുള്ള പിണക്കത്തെ കുറിച്ച് തുറന്ന് പറഞ്ഞ് ഉണ്ണി മുകുന്ദന്
ഇന്നല്ലെങ്കില് നാളെ സംഭവിക്കുമെന്ന് എനിക്ക് ഉറപ്പുള്ള കാര്യമായിരുന്നു അന്ന് സംഭവിച്ചത്. കഴിഞ്ഞ അഞ്ച് വര്ഷങ്ങളില് നിന്ന് ഒരു വലിയ പാഠമാണ് ഞാന് നേടിയത്. മേജര് രവിയുടെ 60ാം പിറന്നാള് ആഘോഷത്തില് ഉണ്ണി മുകുന്ദന് പങ്കെടുത്തതിനെ കുറിച്ച് ഫേസ്ബുക്കിലൂടെ പങ്ക്വച്ച് ഉണ്ണി മുകുന്ദന്
പോസ്റ്റിന്റെ പൂര്ണരൂപം:
ജീവിതം നമുക്ക് പലപ്പോഴും സര്പ്രൈസുകള് കാത്തുവെച്ചിട്ടുണ്ടാകും. മേജര് രവിയുടെ 60ാം പിറന്നാളിന് അദ്ദേഹത്തിനൊപ്പം നിന്നത് എന്നെ സംബന്ധിച്ചിടത്തോളം വളരെ വികാരനിര്ഭരമായ ഒരു നിമിഷമായിരുന്നു. ആ ക്ഷണം എനിക്ക് ഒരിക്കലും നിരസിക്കാനാവാത്തതായിരുന്നു. അത് ഇന്നല്ലെങ്കില് നാളെ സംഭവിക്കുമെന്ന് എനിക്ക് ഉറപ്പുള്ള കാര്യമായിരുന്നു.
കഴിഞ്ഞ അഞ്ച് വര്ഷങ്ങളില് നിന്ന് ഒരു വലിയ പാഠമാണ് ഞാന് നേടിയത്.. ഞങ്ങള് രണ്ടുപേരും മനസ്സിലുള്ള കാര്യങ്ങള് തുറന്ന് സംസാരിക്കുന്നവരാണ്. സഹപ്രവര്ത്തകരോട് കരുണയുള്ളവരാണ്. ഞങ്ങള് ലക്ഷ്യബോധത്തോട് കൂടി മുന്നേറുന്നവരാണ്. സമാന ചിന്താഗതി ഞങ്ങളുടെ ഭൂതകാലത്തെ എല്ലാ അഭ്യൂഹങ്ങളെയും മുറിവുകളെയും ഇല്ലാതാക്കിയിരിക്കുകയാണ്. ഞങ്ങളുടെ ബന്ധം കേന്ദ്രീകരിച്ച് ചര്ച്ചകള് നടന്നപ്പോള് അദ്ദേഹത്തെ ലക്ഷ്യമിട്ട് ഒരുപാട് അഭ്യൂഹങ്ങളും ആക്രമണങ്ങളും ആരോപണങ്ങളും പ്രത്യാരോപണങ്ങളുമുണ്ടായി. ഇത് എന്റെ കണ്ണ് തുറപ്പിച്ചു.
ജീവിതത്തില് എന്തൊക്കെയാണ് പ്രധാനപ്പെട്ടത്, എന്തൊക്കെയാണ് അപ്രധാനം എന്നതൊക്കെ തിരിച്ചറിയാനും ഈ സംഭവം കാരണമായി. . ഈ കാലത്തത്രയും ഞങ്ങള്ക്കൊപ്പം നില്ക്കുകയും തുണയാവുകയും ചെയ്തവര് നിരവധിയുണ്ട്. ഈ ദിവസം സഫലമാക്കുകയും ഊര്ജം പകരുകയും ചെയ്ത ബാദുക്കയെപ്പോലുള്ളവരെ ഈ നിമിഷം ഞാന് സ്നേഹത്തോടെ ഓര്ക്കുകയാണ്.
പക്വത എന്നാല് മനസ്സിലുള്ള കാര്യങ്ങള് മാന്യമായി ചിന്തിക്കാനും സംസാരിക്കാനും പ്രവര്ത്തിക്കാനുമുള്ള കഴിവാണ്. ഇതുപോലുള്ള അവസ്ഥകളില് നിന്ന് നമ്മള് എങ്ങനെ വളരുന്നുവെന്നാണ് ആ പക്വതയുടെ അളവ്. ഉപായങ്ങള് പറയാതെ മാറ്റങ്ങള് യാഥാര്ഥ്യമാക്കുമ്ബോഴാണ് നമ്മള് പക്വത കൈവരിക്കുന്നത്. പ്രിയപ്പെട്ട മേജര് നിങ്ങള്ക്ക് ഞാന് ആയുരാരോഗ്യ സൗഖ്യവും സന്തോഷവും സമാധാനവും സ്നേഹവും നേരുന്നു. ഭാവിയിലും ഒന്നിച്ചുളള യാത്ര അര്ഥവത്താവട്ടെ.
https://www.facebook.com/Malayalivartha
