തെന്നിന്ത്യന്‍ സിനിമകളിലും ബോളിവുഡിലും ഒരു പോലെ തിളങ്ങിയ താരമാണ് തപ്‌സി പാനു. തപ്‌സിയുടെതായി പുറത്തിറങ്ങാനിരിക്കുന്ന പുതിയ ചിത്രമാണ് സൂര്‍മ. ഒരു സ്‌പോര്‍ട്‌സ് ബയോപിക്കായി ഒരുക്കിയ ചിത്രത്തില്‍ ശ്രദ്ധേയ വേഷത്തിലാണ് തപ്‌സി എത്തുന്നത്. ഇന്ത്യയുടെ ഹോക്കി പ്ലെയര് സന്ദീപ് സിങ്ങിന്റെ ജീവിത കഥ പറയുന്ന സിനിമയാണ് സൂര്‍മ. ഷാദ് അലി സംവിധാനം ചെയ്തിരിക്കുന്ന ഈ ചിത്രം നിര്‍മ്മിച്ചിരിക്കുന്നത് സോണി പിക്‌ചേഴ്‌സും സിഎസ് ഫിലിംസും ചേര്‍ന്നാണ്.

2006ല്‍ സംഭവിച്ചൊരു അപകടത്തില്‍ കാലുകള്‍ തളര്‍ന്ന് വീല്‍ചെയറിലേക്ക് മാറേണ്ടി വന്നൊരു കായിക താരമായിരുന്നു സന്ദീപ് സിങ്ങ്. സംഭവബഹുലമായ അദ്ദേഹത്തിന്റെ ജീവിതവും ഹോക്കിയിലേക്കുളള തിരിച്ചുവരവുമാണ് ചിത്രം പറയുന്നത്. ജൂലായ് 13നാണ് സൂര്‍മ തിയ്യേറ്ററുകളിലേക്ക് എത്തുന്നതഅടുത്തിടെ സിനിമാ താരങ്ങളേക്കാള്‍ കൂടുതല്‍ സ്‌പോര്‍ട്‌സ് താരങ്ങളാണ് ആരാധിക്കപ്പെടേണ്ടവര്‍ എന്ന് തപ്‌സി അഭിപ്രായപ്പെട്ടിരുന്നു.

തെലുങ്ക് സിനിമയിലൂടെയായിരുന്നു അരങ്ങേറ്റമെങ്കിലും ധനുഷിന്റെ ആടുകളത്തിലൂടെയായിരുന്നു തപ്‌സി ശ്രദ്ധിക്കപ്പെട്ടിരുന്നത്. ആടുകളത്തിനു ശേഷമാണ് തെന്നിന്ത്യന്‍ സിനിമകളിലും ബോളിവുഡിലുമായി നിരവധി സിനിമകള്‍ തപ്‌സിക്ക് ലഭിച്ചിരുന്നത്. 2016ല്‍ പുറത്തിറങ്ങിയ പിങ്ക് എന്ന ചിത്രമായിരുന്നു തപ്‌സിയുടെ കരിയറില്‍ വഴിത്തിരിവായി മാറിയിരുന്നത്. ചിത്രത്തില്‍ അമിതാഭ് ബച്ചനൊപ്പം ശ്രദ്ധേയ പ്രകടനമായിരുന്നു നടി നടത്തിയിരുന്നത്. അനിരുദ്ധ് റോയി ചൗധരി സംവിധാനം ചെയ്ത ഈ ചിത്രം നിരവധി പുരസ്‌കാരങ്ങള്‍ നേടിയ സിനിമകളിലൊന്നു കൂടിയായിരുന്നു. സാമൂഹിക പ്രാധാന്യമുളള ഒരു പ്രമേയമായിരുന്നു ചിത്രത്തില്‍ സംവിധായകന്‍ അവതരിപ്പിച്ചിരുന്നത്.

അഭിനയപ്രാധാന്യമുളള വേഷങ്ങള്‍ക്കൊപ്പം ഗ്ലാമര്‍ വേഷങ്ങളും തപ്‌സി തന്റെ കരിയറില്‍ കൂടുതലായി ചെയ്തിരുന്നു. തെന്നിത്യന്‍ സിനിമകളിലായിരുന്നു നടി കൂടുതലായി ഗ്ലാമര്‍ വേഷങ്ങള്‍ ചെയ്തിരുന്നത്. തെന്നിന്ത്യന്‍ സിനിമകളില്‍ നിന്നും മാറി ഇപ്പോള്‍ ബോളിവുഡ് സിനിമകളിലാണ് നടി കൂടുതലായി ശ്രദ്ധ കേന്ദ്രീകരിച്ചിരിക്കുന്നത്.